Shivamogga Feb 25, 2024 Sagar to Manipal bus, ksrtc ಗ್ಯಾರಂಟಿ ಸಮಾವೇಶಗಳ ನಡುವೆ ಶಿವಮೊಗ್ಗ ಜಿಲ್ಲೆ ಪ್ರಯಾಣಿಕರಿಗಾಗಿ 10 ಬಸ್ಗಳನ್ನ ನೂತನವಾಗಿ ಬಿಡಲಾಗಿದೆ.
ಶಿವಮೊಗ್ಗದಿಂದ ಚಿತ್ರದುರ್ಗ, ಶಿವಮೊಗ್ಗದಿಂದ ಬೆಂಗಳೂರು, ಶಿವಮೊಗ್ಗದಿಂದ ಸಾಗರ, ಶಿವಮೊಗ್ಗದಿಂದ ಸೊರಬಕ್ಕೆ ನೂತನ ಬಸ್ ಗಳು ಸಂಚರಿಸಲಿವೆ. ಅದರಲ್ಲಿ. ಶಿವಮೊಗ್ಗ ಜಿಲ್ಲಾ ಸಾರಿಗೆ ವಿಭಾಗಕ್ಕೆ 6 ಬಸ್, ಸಾಗರ 2, ಶಿಕಾರಿಪುರ ವಿಭಾಗದಲ್ಲಿ 2 ಬಸ್ ಸೇವೆ ಒದಗಿಸಲಿವೆ.
ಇನ್ನೂ ವಿಶೇಷವಾಗಿ ಸಾಗರ ನಗರದಿಂದ ಮಣಿಪಾಲ್ ಹೋಗುವುದಕ್ಕೆ ಪೂರಕವಾಗಿ ಸಾಗರ ಮಣಿಪಾಲ್ಗೆ ಕೆಎಸ್ಆರ್ಟಿಸಿ ಬಸ್ ಸೌಲಭ್ಯ ಒದಗಿಸಲಾಗಿದೆ.
ನಿತ್ಯ ಬೆಳಗ್ಗೆ 6.10 ಕ್ಕೆ ಸಾಗರದಿಂದ ಹೊರಡುವ ಈ ಬಸ್ 10.20 ಕ್ಕೆ ಮಣಿಪಾಲ್ ತಲುಪಲಿದೆ ಮತ್ತು ಅಲ್ಲಿಂದ ಮಧ್ಯಾಹ್ನ 2. 10 ಕ್ಕೆ ಹೊರಟು ಸಂಜೆ 6.20 ಕ್ಕೆ ಸಾಗರ ಬರಲಿದೆ.
ಇನ್ನು ನೂತನವಾಗಿ ಮೈಸೂರಿಗೂ ಬಸ್ ಸಂಪರ್ಕ ಕಲ್ಪಿಸಿದ್ದು ಅದು ಪ್ರತಿ ರಾತ್ರಿ 9 ಗಂಟೆಗೆ ಸಾಗರದಿಂದ ಮೈಸೂರಿಗೂ ಮತ್ತೆ ಅದೇ ಸಮಯಕ್ಕೆ ಮೈಸೂರಿನಿಂದ ಸಾಗರಕ್ಕೂ ಬಸ್ ಸಂಚರಿಸಲಿದೆ.