ಶಿವಮೊಗ್ಗ ಸಿಟಿಯಲ್ಲಿ ಎರಡು ಕಡೆ ಕರೆಂಟ್ ಶಾಕ್! ವೈರಲ್ ವಿಡಿಯೋದಲ್ಲಿ ಇರುವ ವ್ಯಕ್ತಿ ಯಾರು?

KARNATAKA  |  Jan 6, 2024  |   shivamogga viral video   ಶಿವಮೊಗ್ಗ ನಗರದದಲ್ಲಿ ಎರಡು ಕರೆಂಟ್ ಶಾಕ್ ಪ್ರಕರಣಗಳು ವರದಿಯಾಗಿವೆ. ಒಂದು ಪ್ರಕರಣ ಹಳೆ ಶಿವಮೊಗ್ಗದಲ್ಲಿ ನಡೆದಿದ್ದು ಎನ್ನಲಾಗಿದ್ದು, ಮೊನ್ನೆ ಈ ಘಟನೆ ನಡೆದಿದೆ ಎಂದು ಹೇಳಲಾಗುತ್ತಿದೆ. ಅದಲ್ಲದೇ ಈ ಸಂಬಂಧ ವಿಡಿಯೋವೊಂದು ವೈರಲ್ ಆಗಿದೆ. ಆದರೆ ಪ್ರಕರಣ ಸಂಬಂಧ ಎಫ್ಐಆರ್ ಆದಂತಿಲ್ಲ. ಹೆಚ್ಚಿನ ಮಾಹಿತಿಯು ಲಭ್ಯವಾಗಿಲ್ಲ. ಮೂಲಗಳು ಈ ಬಗ್ಗೆ ಇನ್ನಷ್ಟೆ ಸ್ಪಷ್ಟನೆ ಸಿಗಬೇಕಿದೆ ಎನ್ನುತ್ತಿದೆ. 

shivamogga viral video  

ಎರಡುವರೆ ನಿಮಿಷದ ವಿಡಿಯೋದಲ್ಲಿ ವ್ಯಕ್ತಿಯೊಬ್ಬರು ಆರ್​ಸಿಸಿ ಮೇಲಿನಿಂದ ಗೋಡೆಯ ಒಂದು ಭಾಗಕ್ಕೆ ರೋಲರ್​ನ್ನ ಉದ್ದದ ಪೈಪ್​ಗೆ ಸಿಕ್ಕಿಸಿಕೊಂಡು ಬಣ್ಣ ಬಳಿಯುತ್ತಿರುವಾಗ, ಅಲ್ಲಿಯೇ ಇದ್ದ ಲೈಟ್​ ಕಂಬದ ತಂತಿ ಕೋಲಿಗೆ ತಗುಲಿ ಅವರಿಗೆ ಶಾಕ್ ಹೊಡೆದಿದೆ. 

READ :ಚಿಕನ್​ ಸ್ಟಾಲ್​ನಲ್ಲಿ ಸಿಕ್ತು ಕದ್ದ ಕೋಳಿ! ಕೇಳಿದ್ದಕ್ಕೆ ಮಚ್ಚಿ ಬೀಸಿದ ಮಾಲೀಕ! VIRAL NEWS

ಅವರನ್ನ ತಪ್ಪಿಸಲು ಅಲ್ಲಿದ್ದವರು ಪ್ರಯತ್ನಿಸ್ತಿರುವಾಗ ಮತ್ತೊಮ್ಮೆ ವಿದ್ಯುತ್ ಬೆಂಕಿಯೊಂದಿಗೆ ಸ್ಫೋಟಿಸುವ ಸದ್ದು ವಿಡಿಯೋದಲ್ಲಿ ರೆಕಾರ್ಡ್​ ಆಗಿದೆ. ಈ ದೃಶ್ಯ ಸೋಶಿಯಲ್ ಮೀಡಿಯಾಗಳಾದ ವಾಟ್ಸ್ಯಾಪ್​ ಹಾಗೂ ಫೇಸ್​ಬುಕ್​ನಲ್ಲಿ ಹರಿದಾಡುತ್ತಿದೆ. 

ಹಳೇ ಶಿವಮೊಗ್ಗದ ರಸ್ತೆ ಯೊಂದರಲ್ಲಿ ಘಟನೆ ನಡೆದಿರುವ ಬಗ್ಗೆ ಹೇಳಲಾಗುತ್ತಿದೆಯಾದರೂ, ಈ ಸಂಬಂಧ ಹೆಚ್ಚಿನ ಮಾಹಿತಿ ಲಭ್ಯವಾಗುತ್ತಿಲ್ಲ. ಪೊಲೀಸ್ ಮೂಲಗಳಲ್ಲಿಯು ಸಹ ಅಸ್ಪಷ್ಟ ಮಾಹಿತಿಯಿದ್ದು ಎಫ್ಐಆರ್ ಆದಂತಿಲ್ಲ ಎನ್ನಲಾಗುತ್ತಿದೆ. 

ಇನ್ನೊಂದು ವೈರಲ್ ವಿಡಿಯೋದಲ್ಲಿ  ಜೈಲ್​ ಸರ್ಕಲ್​ ಬಳಿ ಇರುವ ಸ್ಮಾರ್ಟ್​ ಸಿಟಿ ಕಾಮಗಾರಿ ಬಳಿಕ ಹಾಕಲಾಗದ ಬೃಹತ್ ವಿದ್ಯುತ್ ಕಂಬದಲ್ಲಿ ಇದ್ದಕ್ಕಿದ್ದಂತೆ ವಿದ್ಯುತ್ ಬೆಂಕಿಯಾಗಿ ಹೊತ್ತಿಕೊಂಡು ಬಳಿ ಸ್ಫೋಟಗೊಂಡಿದೆ. ಮೂವತ್ತು ಸೆಕೆಂಡ್ ಗಳ ಈ ದೃಶ್ಯ ವಾಟ್ಸ್ಯಾಪ್​ನಲ್ಲಿ ಹರಿದಾಡುತ್ತಿದೆ.