ಶಿವಮೊಗ್ಗ: ಜಿಲ್ಲೆಯಾದ್ಯಂತ ಎಲ್ಲೆಲ್ಲಿ ಎಷ್ಟೆಷ್ಟಾಗಿದೆ ವಿಶೇಷ ಸಮಗ್ರ ಪರಿಷ್ಕರಣೆ ಪ್ರಕ್ರಿಯೆ? ಇನ್ನೆಷ್ಟು ಬಾಕಿ ಇದೆ?

Shimoga SIR  ಶಿವಮೊಗ್ಗ : ಭಾರತ ಚುನಾವಣಾ ಆಯೋಗವು ರಾಜ್ಯದಾದ್ಯಂತ ಮತದಾರರ ಪಟ್ಟಿ ವಿಶೇಷ ಸಮಗ್ರ ಪರಿಷ್ಕರಣೆ-2026 ಅನ್ನು ಹಮ್ಮಿಕೊಂಡಿದೆ. ಈ ಸಂದರ್ಭದಲ್ಲಿ ರಾಜಕೀಯ ಆರೋಪ-ಪ್ರತ್ಯಾರೋಪಗಳು ನಡೆಯುತ್ತಿರುವುದು ಎಲ್ಲರಿಗೂ ತಿಳಿದಿರುವ ವಿಚಾರವೇ ಆಗಿದೆ. ಇದರ ನಡುವೆ, ಶಿವಮೊಗ್ಗ ಜಿಲ್ಲೆಯ ಒಟ್ಟು 7 ವಿಧಾನಸಭಾ ಕ್ಷೇತ್ರಗಳ ವ್ಯಾಪ್ತಿಯಲ್ಲಿ ಈ ವಿಶೇಷ ಸಮಗ್ರ ಪರಿಷ್ಕರಣೆ ಎಷ್ಟರಮಟ್ಟಿಗೆ ನಡೆದಿದೆ ಮತ್ತು ಇನ್ನೆಷ್ಟು ಬಾಕಿಯಿದೆ ಎಂಬ ವಿವರಗಳನ್ನು ಜಿಲ್ಲಾಧಿಕಾರಿ ಪ್ರಭುಲಿಂಗ ಕವಳಿಕಟ್ಟಿ ಅವರು ತಿಳಿಸಿದ್ದಾರೆ.

ಶಿವಮೊಗ್ಗ ವಿಮಾನ ನಿಲ್ದಾಣಶಿವಮೊಗ್ಗ ಏರ್​ಪೋರ್ಟ್​ ವಿಶ್ವೇಶ್ವರ್​ ಭಟ್​ Facebook post ,ಷೇರ್ ಮಾಡಿ ರಿಪ್ಲೆ ನೀಡಿದ ಸಂಸದ

ಜಿಲ್ಲೆಯ ಒಟ್ಟು 7 ವಿಧಾನಸಭಾ ಕ್ಷೇತ್ರಗಳ ವ್ಯಾಪ್ತಿಯಲ್ಲಿ 1,793 ಬಿ.ಎಲ್.ಒ (BLO) ಗಳು ಕಾರ್ಯನಿರ್ವಹಿಸುತ್ತಿದ್ದು, ಒಟ್ಟು 15,19,459 ಮತದಾರರಿದ್ದಾರೆ. ಈ ಪೈಕಿ ಇದುವರೆಗೆ 12,44,670 ಇ-ಫಾರ್ಮ್‌ಗಳನ್ನು (ಅಂದರೆ ಶೇ. 81.92 ರಷ್ಟು) ವಿತರಿಸಲಾಗಿದೆ. ಹಾಗೆಯೇ, 70,540 ಫಾರ್ಮ್‌ಗಳನ್ನು (ಶೇ. 4.64 ರಷ್ಟು) ಡಿಜಿಟಲೀಕರಣಗೊಳಿಸಲಾಗಿದೆ.

Shimoga SIR  ಕ್ಷೇತ್ರವಾರು ಪ್ರಗತಿಯ ವಿವರಗಳು

ಶಿವಮೊಗ್ಗ ಗ್ರಾಮಾಂತರ: ಇಲ್ಲಿ ಒಟ್ಟು 2,20,250 ಮತದಾರರಿದ್ದು, ಈ ಪೈಕಿ 1,93,394 (ಶೇ. 87.81) ಇ-ಫಾರ್ಮ್‌ಗಳನ್ನು ವಿತರಿಸಲಾಗಿದೆ. 18,879 (ಶೇ. 8.57) ಫಾರ್ಮ್‌ಗಳ ಡಿಜಿಟಲೀಕರಣದೊಂದಿಗೆ ಈ ಕ್ಷೇತ್ರವು ಜಿಲ್ಲೆಯಲ್ಲೇ ಮುಂಚೂಣಿಯಲ್ಲಿದೆ.

ಭದ್ರಾವತಿ: ಕ್ಷೇತ್ರದಲ್ಲಿ 2,14,907 ಮತದಾರರಿದ್ದು, 1,62,742 (ಶೇ. 75.73) ಇ-ಫಾರ್ಮ್‌ಗಳನ್ನು ವಿತರಿಸಲಾಗಿದೆ. ಅದರಲ್ಲಿ 8,824 ಫಾರ್ಮ್‌ಗಳು (ಶೇ. 4.12) ಡಿಜಿಟಲೀಕರಣಗೊಂಡಿವೆ.

ಶಿವಮೊಗ್ಗ ನಗರ: ಜಿಲ್ಲೆಯಲ್ಲೇ ಅತಿ ಹೆಚ್ಚು ಅಂದರೆ 2,77,098 ಮತದಾರರನ್ನು ಹೊಂದಿರುವ ಈ ಕ್ಷೇತ್ರದಲ್ಲಿ, 1,94,410 (ಶೇ. 70.16) ಇ-ಫಾರ್ಮ್‌ಗಳನ್ನು ವಿತರಿಸಲಾಗಿದೆ. ಆದರೆ, ಕೇವಲ 3,486 ಫಾರ್ಮ್‌ಗಳು (ಶೇ. 1.26) ಮಾತ್ರ ಡಿಜಿಟಲೀಕರಣಗೊಂಡಿವೆ.

ತೀರ್ಥಹಳ್ಳಿ: ಕ್ಷೇತ್ರದಲ್ಲಿ 1,92,314 ಮತದಾರರಿದ್ದು, 1,66,822 (ಶೇ. 86.74) ಇ-ಫಾರ್ಮ್‌ಗಳನ್ನು ವಿತರಿಸಲಾಗಿದೆ. ಹಾಗೆಯೇ 11,810 ಫಾರ್ಮ್‌ಗಳು (ಶೇ. 6.14) ಡಿಜಿಟಲೀಕರಣಗೊಂಡಿವೆ.

ಶಿಕಾರಿಪುರ: ಒಟ್ಟು 2,06,415 ಮತದಾರರಿದ್ದು, 1,71,595 (ಶೇ. 83.13) ಇ-ಫಾರ್ಮ್‌ಗಳನ್ನು ವಿತರಿಸಲಾಗಿದೆ. ಪ್ರಸ್ತುತ 9,573 ಫಾರ್ಮ್‌ಗಳ (ಶೇ. 4.64) ಡಿಜಿಟಲೀಕರಣ ಪ್ರಗತಿಯಲ್ಲಿದೆ.

ಸೊರಬ: ಕ್ಷೇತ್ರದಲ್ಲಿ 1,98,955 ಮತದಾರರಿದ್ದು, 1,75,244 (ಶೇ. 88.08) ರಷ್ಟು ಇ-ಫಾರ್ಮ್ ವಿತರಿಸುವ ಮೂಲಕ ಜಿಲ್ಲೆಯಲ್ಲೇ ಅತಿ ಹೆಚ್ಚು ಇ-ಫಾರ್ಮ್ ವಿತರಣೆ ದಾಖಲಿಸಿದೆ. ಇಲ್ಲಿ 9,400 ಫಾರ್ಮ್‌ಗಳನ್ನು (ಶೇ. 4.72) ಡಿಜಿಟಲೈಸ್ ಮಾಡಲಾಗಿದೆ.

ಸಾಗರ: ಒಟ್ಟು 2,09,520 ಮತದಾರರನ್ನು ಹೊಂದಿರುವ ಈ ಕ್ಷೇತ್ರದಲ್ಲಿ, 1,80,463 (ಶೇ. 86.13) ಇ-ಫಾರ್ಮ್‌ಗಳನ್ನು ವಿತರಿಸಲಾಗಿದ್ದು, 8,568 ಫಾರ್ಮ್‌ಗಳು (ಶೇ. 4.09) ಡಿಜಿಟಲೀಕರಣಗೊಂಡಿವೆ ಎಂದು ಅವರು ತಿಳಿಸಿದ್ದಾರೆ.