ಯಲ್ಲಾಪುರ : ಸಾಮಾಜಿಕ ಜಾಲತಾಣಗಳಲ್ಲಿ ತನ್ನ ಮೊಮ್ಮಗನೊಂದಿಗೆ ಹಾಸ್ಯಭರಿತ ವೀಡಿಯೊಗಳಲ್ಲಿ ನಟಿಸುವ ಮೂಲಕ ಮನೆಮಾತಾಗಿದ್ದ ರೀಲ್ಸ್ ಅಜ್ಜಿ ಇದೀಗ ನಿಧನರಾಗಿದ್ದಾರೆ.
ಹೌದು, ಸಾಮಾಜಿಕ ಜಾಲತಾಣ ಬಳಸುವ ಬಹುತೇಕರು ಈ ಅಜ್ಜಿಯನ್ನು ನೋಡಿಯೇ ಇರುತ್ತಾರೆ. ಇವರ ಹೆಸರು ಲಕ್ಷ್ಮಿ ನಾಯ್ಕ (93). ಯಲ್ಲಾಪುರದ ಮಂಚಿಕೇರಿಯವರಾದ ಇವರು, ಇನ್ಸ್ಟಾಗ್ರಾಮ್ ಇನ್ಫ್ಲುಯೆನ್ಸರ್ ಸೂರಜ್ ಅವರ ಅಜ್ಜಿ. ಸೂರಜ್ ಅವರೊಂದಿಗೆ ವೀಡಿಯೊಗಳಲ್ಲಿ ಅದ್ಭುತವಾಗಿ ನಟಿಸುತ್ತಿದ್ದ ಇವರು ರೀಲ್ಸ್ ಅಜ್ಜಿ ಎಂದೇ ಖ್ಯಾತಿ ಪಡೆದಿದ್ದರು.
ಈ ಅಜ್ಜಿಗೆ ಕಿವಿ ಸರಿಯಾಗಿ ಕೇಳಿಸುತ್ತಿರಲಿಲ್ಲ ಮತ್ತು ಕಣ್ಣಿನ ದೃಷ್ಟಿಯೂ ಮಂಜಾಗಿತ್ತು. ಆದರೂ ಮೊಮ್ಮಗ ಸೂರಜ್ ಹೇಳಿಕೊಟ್ಟಂತೆ ಅತ್ಯಂತ ಉತ್ಸಾಹದಿಂದ ನಟಿಸಿ ನಮ್ಮನ್ನೆಲ್ಲಾ ನಗೆಗಡಲಿನಲ್ಲಿ ತೇಳಿಸುತ್ತಿದ್ದರು. ಈ ಅದ್ಭುತ ಪ್ರತಿಭೆಯ ಅಜ್ಜಿ ಇದೀಗ ವಯೋಸಹಜ ಕಾರಣಗಳಿಂದಾಗಿ ದೈವಾಧೀನರಾಗಿದ್ದಾರೆ.
Instagram Reels Ajji Lakshmi Naik Passes Away
