ದಾವಣಗೆರೆ ಗೋಲ್ಡ್ ಕೇಸ್​! ಚಿನ್ನದ ಗಟ್ಟಿ ದರೋಡೆಯಲ್ಲಿ, ಇಬ್ಬರು ಪೊಲೀಸ್​ ಅಧಿಕಾರಿಗಳ ಬಂಧನ

ajjimane ganesh

ನವೆಂಬರ್ 26,  2025 : ಮಲೆನಾಡು ಟುಡೆ :  ಕಲಿಯುಗದ ಜೆಂಜಿ ಕಾಲಮಾನದಲ್ಲಿ ಏನ್​ ಬೇಕಾದರೂ ನಡೆಯುತ್ತೆ ಎನ್ನುವುದಕ್ಕೆ ದಾವಣಗೆರೆಯಲ್ಲಿ ನಡೆದ ಘಟನೆಯೊಂದು ಸಬೂಬಾಗಿದೆ. ಸಾಮಾನ್ಯವಾಗಿ ಕಳ್ಳರು ಕಳ್ಳತನ ಮಾಡ್ತಾರೆ, ದರೋಡೆಕೋರರು ದರೋಡೆ ಮಾಡ್ತಾರೆ..ಪೊಲೀಸರು ಇವರೆನ್ನೆಲ್ಲಾ ಹಿಡ್ದು ಒಳಗೆ ಹಾಕ್ತಾರೆ… ಆದರೆ ಇಲ್ಲಿ ಸ್ವತಃ ಇಬ್ಬರು ಪಿಎಸ್​ಐಗಳು ದರೋಡೆ ಮಾಡೋಕೆ ಹೋಗಿ ಸಿಕ್ಕಿಬಿದ್ದಿದ್ದಾರೆ. ಕಷ್ಟಪಟ್ಟು ಪಡೆದ ಉದ್ಯೋಗದಲ್ಲಿ ಅಧಿಕಾರವನ್ನು ದುರ್ಬಳಕೆ ಮಾಡಿಕೊಂಡು ಹೀಗೂ ದುಡ್ಡು ಮಾಡಬೇಕು ಎಂದು ಅವರಿಗೆ ಏಕೆ ಅನಿಸಿತ್ತೋ ದೇವರೆ ಬಲ್ಲ. ಆದರೆ ಅಕ್ಕಸಾಲಿಗನೊಬ್ಬನನ್ನ ಸುಲಿಗೆ ಮಾಡಲು ಹೋಗಿ ಇಬ್ಬರು ಪಿಎಸ್​ಐಗಳು ಈಗ ಸಿಕ್ಕಿಬಿದ್ದಿದ್ದಾರೆ. 

Davanagere Gold Robbery case
Davanagere Gold Robbery case

ದಾವಣಗೆರೆ ದರೋಡೆ ಪ್ರಕರಣ/Davanagere Gold Robbery case 

ಬಂಗಾರದ ಆಭರಣಗಳನ್ನು ತಯಾರಿಸುವ ಅಕ್ಕಸಾಲಿಗರೊಬ್ಬರಿಂದ ಚಿನ್ನದ ಗಟ್ಟಿಯನ್ನು ದರೋಡೆ ಮಾಡಿದ  ಪ್ರಕರಣಕ್ಕೆ ಸಂಬಂಧಿಸಿದಂತೆ ಐಜಿ ಕಚೇರಿಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ಇಬ್ಬರು ಪೊಲೀಸ್ ಸಬ್ ಇನ್ಸ್‌ಪೆಕ್ಟರ್‌ಗಳು (ಪಿಎಸ್‌ಐ) ಸೇರಿದಂತೆ ಒಟ್ಟು 7 ಜನ ಆರೋಪಿಗಳನ್ನು ಕೆಟಿಜೆ ನಗರದ ಪೊಲೀಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

Davanagere Gold Robbery case
Davanagere Gold Robbery case

ಶಿವಮೊಗ್ಗ, ದಕ್ಷಿಣಕನ್ನಡ, ಉಡುಪಿ, ಕೊಡಗು, ಚಿಕ್ಕಮಗಳೂರು, ಉತ್ತರ ಕನ್ನಡ : 15 ಜಿಲ್ಲೆಗಳಲ್ಲಿ ಯಲ್ಲೋ ಅಲರ್ಟ್!

ಕೃತ್ಯದಲ್ಲಿ ನೇರವಾಗಿ ಭಾಗಿಯಾಗಿದ್ದ ಪಿಎಸ್‌ಐಗಳಾದ ಮಾಳಪ್ಪ ಚಿಪ್ಪಲಕಟ್ಟಿ ಮತ್ತು ಪ್ರವೀಣ್ ಕುಮಾರ್ ಹಾಗೂ ಅವರಿಗೆ ನೆರವು ನೀಡಿದ ಇತರ 5 ಜನ ಆರೋಪಿಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಬಂಧಿತರಿಂದ ಸುಮಾರು 8 ಲಕ್ಷ ರೂಪಾಯಿ ಮೌಲ್ಯದ ಬಂಗಾರದ ಗಟ್ಟಿ ಮತ್ತು ಆಭರಣಗಳ ಜೊತೆಗೆ ದರೋಡೆಗೆ ಬಳಸಲಾದ 3 ಕಾರುಗಳನ್ನು ಸಹ ಜಪ್ತಿ ಮಾಡಿದ್ದಾರೆ.

ಉತ್ತರ ಕನ್ನಡದ ನಿವಾಸಿಯ ದರೋಡೆ

ಉತ್ತರ ಕನ್ನಡ ಜಿಲ್ಲೆಯ ಕಾರವಾರದ ಕಾಜುಬಾಗ್ ನಿವಾಸಿ ಹಾಗೂ ಅಕ್ಕಸಾಲಿಗರಾದ ವಿಶ್ವನಾಥ್ ಎಂ. ಎಂಬುವವರು ನವೆಂಬರ್ 23ರಂದು ಸಂಜೆ ದಾವಣಗೆರೆಗೆ ಬಂದಿದ್ದರು. ಅವರು ಮಂಡಿಪೇಟೆಯ ಒಂದು ಜ್ಯುವೆಲ್ಲರಿಯಿಂದ ಮತ್ತು ಆನೆಕೊಂಡ ಪೇಟೆಯ ಕೆ.ಬಿ. ಸುರೇಶ್ ಹಾಗೂ ಮಂಜುನಾಥ ಎಂಬ ಬಂಗಾರದ ಕೆಲಸ ಮಾಡುವವರಿಂದ ವಿವಿಧ ಆಭರಣಗಳನ್ನು ತಯಾರಿಸಲು ಒಟ್ಟು 7.50 ಲಕ್ಷ ರೂಪಾಯಿ ಮೌಲ್ಯದ 78.150 ಗ್ರಾಂ ಚಿನ್ನದ ಗಟ್ಟಿ ಹಾಗೂ ಹಳೆಯ ಆಭರಣಗಳನ್ನು ಸಂಗ್ರಹಿಸಿದ್ದರು.

ದಕ್ಷಿಣ ಕನ್ನಡ, ಉಡುಪಿಯಲ್ಲಿ ಸೊರಬ ಮಣಿಕಂಠನ ಕೈ ಚಳಕ | 20 ಕೇಸ್‌ನಲ್ಲಿ ಸಿಕ್ಕಿಬಿದ್ದ ಆರೋಪಿ

ನವೆಂಬರ್ 24ರ ತಡರಾತ್ರಿ ಸುಮಾರು 12.30ರ ಸಮಯದಲ್ಲಿ ಹುಬ್ಬಳ್ಳಿಗೆ ಹೋಗುವ ಸಲುವಾಗಿ ವಿಶ್ವನಾಥ್ ಕೆಎಸ್‌ಆರ್‌ಟಿಸಿ ಬಸ್ ನಿಲ್ದಾಣದಲ್ಲಿ ಬಸ್ ಹತ್ತಿದ್ದರು. ಇದೇ ವೇಳೆ ಹಿಂಬದಿಯಿಂದ ಬಂದ ಆರೋಪಿ ಪಿಎಸ್‌ಐ ಮತ್ತು ಅವರ ಸಹಚರರು ವಿಶ್ವನಾಥ್ ಅವರನ್ನು ಬಸ್ಸಿನಿಂದ ಕೆಳಗೆ ಇಳಿಸಿ, ಬಲವಂತವಾಗಿ ತಮ್ಮ ಕಾರಿನಲ್ಲಿ ಬಿಎಸ್‌ಎನ್‌ಎಲ್ ಕಚೇರಿ ಸಮೀಪಕ್ಕೆ ಕರೆದೊಯ್ದಿದ್ದಾರೆ. ತಾವು ಪೊಲೀಸರೆಂದು ನಂಬಿಸಿ ಬೆದರಿಸಿ, ವಿಶ್ವನಾಥ್ ಅವರ ಬಳಿ ಇದ್ದ 78 ಗ್ರಾಂ ಬಂಗಾರವನ್ನು ಕಸಿದುಕೊಂಡು, ನಂತರ ಅದೇ ಕಾರಿನಲ್ಲಿ ವಾಪಸ್ ಅವರನ್ನು ಕೆಎಸ್‌ಆರ್‌ಟಿಸಿ ಬಸ್ ನಿಲ್ದಾಣಕ್ಕೆ ತಂದು ಬಿಟ್ಟು ಹೋಗಿದ್ದಾರೆ.

Davanagere Gold Robbery case
Davanagere Gold Robbery case

ಶಿವಮೊಗ್ಗ-ಬೆಂಗಳೂರು,ಎಸ್ಎಸ್ಎಸ್ ಹುಬ್ಬಳ್ಳಿ – ಕೆಎಸ್ಆರ್ ಬೆಂಗಳೂರು ಟ್ರೈನ್ ಸುದ್ದಿ ಓದಿ

ಈ ಘಟನೆಯ ನಂತರ ತಕ್ಷಣವೇ ಎಚ್ಚೆತ್ತ ವಿಶ್ವನಾಥ್ ಅವರು ಕೆಟಿಜೆ ನಗರ ಪೊಲೀಸ್ ಠಾಣೆಯಲ್ಲಿ ದರೋಡೆಗೆ ಸಂಬಂಧಿಸಿದಂತೆ ಪ್ರಕರಣ ದಾಖಲಿಸಿದ್ದರು. ಪ್ರಕರಣದ ತನಿಖೆಗಾಗಿ ರಚಿಸಲಾದ ವಿಶೇಷ ತಂಡವು ತಕ್ಷಣವೇ ಕಾರ್ಯಪ್ರವೃತ್ತಗೊಂಡು, ದರೋಡೆಗೆ ಸಂಬಂಧಿಸಿದ ಒಟ್ಟು 7 ಜನ ಆರೋಪಿಗಳನ್ನು ಬಂಧಿಸಿದ್ದಾರೆ.

ಶಿವಮೊಗ್ಗ, ಚನ್ನಗಿರಿ, ದಾವಣಗೆರೆ, ಶಿರಸಿ! ಎಷ್ಟಿದೆ ಅಡಕೆ ರೇಟು? ಮಾರ್ಕೆಟ್​ನಲ್ಲಿ ಏನಾಗ್ತಿದೆ?

ಮಲೆನಾಡು ಟುಡೆ ಡಿಜಿಟಲ್ ನ್ಯೂಸ್ ಮೀಡಿಯಾ ಶಿವಮೊಗ್ಗವನ್ನೂ ಕೇಂದ್ರಿಕರಿಸಿಕೊಂಡು ಸ್ಥಳೀಯ ವಿಷಯಗಳಿಂದ ಸಕಲ ವಿಚಾರಗಳನ್ನು ಜನರಿಗೆ ಮುಟ್ಟಿಸುವ ಮಾಹಿತಿ ಸಂಸ್ಥೆಯಾಗಿದೆ. ನೀವು ನಮ್ಮನ್ನು Facebook whatsapp whatsapp chanel  instagram youtube telegram  google business   malenadu today epaper malenadutoday web ನಲ್ಲಿ ಬೆಂಬಲಿಸಬಹುದು.. ಸಾದ್ಯವಾದಷ್ಟು ನಮ್ಮ ಪ್ರಯತ್ನಕ್ಕೆ ನಿಮ್ಮ ಬೆಂಬಲವನ್ನು ನೀಡಿ..ಇಲ್ಲಿ ನಿಮ್ಮ ಸಹಕಾರವೇ ಮುಖ್ಯ!

Davanagere Gold Robbery: 2 PSIs Arrested, 8 Lakh Gold Seized by KTJ Nagar Police 2 PSI, Mallappa Chippalakatti and Praveen Kumar, among 7 arrested in Davanagere gold robbery case involving a jeweler. 8 lakh worth gold and 3 cars seized. Full details from KTJ Nagar Police.
Share This Article