traffic rules : ಟ್ರಾಫಿಕ್ ಪೊಲೀಸರು ಸಿಗ್ನಲ್ ನಿಯಮಗಳ ಬಗ್ಗೆ ವಾಹನ ಸವಾರರಿಗೆ ಅರಿವು ಮತ್ತು ಜಾಗೃತಿ ಮೂಡಿಸುವ ಕಾರ್ಯವನ್ನು ಮಾಡುತ್ತಿರುತ್ತಾರೆ. ಆದರೆ ಕೆಲವರು ಟ್ರಾಫಿಕ್ ನಿಯಮಗಳನ್ನು ಮೀರಿ ಸಿಗ್ನಲ್ ಜಂಪ್ ಮಾಡುತ್ತಾರೆ. ಆ ರೀತಿ ಸಿಗ್ನಲ್ ಜಂಪ್ಗಳು ಕೆಲವೊಮ್ಮೆ ನಮ್ಮ ಜೀವಕ್ಕೆ ಆಪಾಯ ತಂದೊಡ್ಡುತ್ತವೆ. ಅದೇ ರೀತಿ ಶಿವಮೊಗ್ಗದ ಕೆಇಬಿ ಸರ್ಕಲ್ನಲ್ಲಿ ವಾಹನ ಸವಾರರೊಬ್ಬರು ಸಿಗ್ನಲ್ ಜಂಪ್ ಮಾಡಿ ಅಪಘಾತಕ್ಕೀಡಾಗಿದ್ದಾರೆ. ಈ ಕುರಿತು ಶಿವಮೊಗ್ಗ ಟ್ರಾಫಿಕ್ ಪೊಲೀಸರು ವಿಡಿಯೋ ಹಂಚಿಕೊಂಡು ಜಾಗೃತಿ ಮೂಡಿಸಿದ್ದಾರೆ.
traffic rules : ವಿಡಿಯೋದಲ್ಲಿ ಏನಿದೆ
ವಿಡಿಯೋದಲ್ಲಿರುವಂತೆ ಸ್ಕೂಟಿ ಚಾಲಕರೊಬ್ಬರು ಹೋಗುತ್ತಿರುವಾಗ ಬಲಭಾಗದಿಂದ ಸಿಗ್ನಲ್ ಜಂಪ್ ಮಾಡಿ ಸ್ಪೀಡಾಗಿ ಬಂದ ಆಟೋಚಾಲಕ ಸ್ಕೂಟಿಗೆ ಡಿಕ್ಕಿ ಹೊಡೆದಿದ್ದಾನೆ. ಇದರಿಂದಾಗಿ ಆಟೋ ಮಗುಚಿ ಬಿದ್ದಿದ್ದು ಬೈಕ್ ಸವಾರ ಸಹ ರಸ್ತೆಯ ಬದಿಯಲ್ಲಿ ಬಿದ್ದಿದ್ದಾನೆ. ಇದರಿಂದ ಇಬ್ಬರಿಗೂ ಗಾಯಗಳಾಗಿವೆ. ಈ ವಿಡಿಯೋವನ್ನು ಟ್ವೀಟರ್ನಲ್ಲಿ ಹಂಚಿಕೊಂಡಿರುವ ಟ್ರಾಫಿಕ್ ಪೊಲೀಸರು ರೆಡ್ ಲೈಟ್ ಇರುವುದು ವಾಹನದ ವೇಗ ಜಾಸ್ತಿ ಮಾಡಲು ಅಲ್ಲ ವಾಹನವನ್ನು ನಿಲ್ಲಿಸಲು, ಟ್ರಾಫಿಕ್ ನಿಯಮಗಳಿಗೆ ಗೌರವ ಕೊಡಿ ಜೀವವನ್ನು ಉಳಿಸಿ ಎಂಬ ಕ್ಯಾಪ್ಷನ್ನ್ನು ನೀಡಿದ್ದಾರೆ.
Red light means stop,not speed up respect the rules, save lives @KEB Circle Shivamogga pic.twitter.com/j6wix5E9JH
— Shivamogga Traffic Police (@Shimoggatraffic) May 16, 2025