ಎಚ್ಚರ, ನೀವು ಪೊಲೀಸ್ ಕಣ್ಗಾವಲಿನಲ್ಲಿ ಇದ್ದೀರಿ! ಸರಿರಾತ್ರಿಯಲ್ಲಿ ಕಾಣಿಸುತ್ತೆ ತಪ್ಪು

ಮಲೆನಾಡು ಟುಡೆ ಸುದ್ದಿ / ಶಿವಮೊಗ್ಗ / ಶಿವಮೊಗ್ಗ ಜಿಲ್ಲೆ ಈಗ ಪೊಲೀಸ್ ಡ್ರೋಣ್​ ಕಣ್ಗಾವಲ್ಲಿದೆ. ವಿಶೇಷವಾಗಿ ಏರಿಯಾಗಳ ಸಂದು ಮೂಲೆಗಳಲ್ಲಿ ನಡೆಯುವ ಅಕ್ರಮ ಚಟುವಟಿಕೆಗಳನ್ನ ಈ ಪೊಲೀಸರು ಡ್ರೋಣ್ ಫೋಟೋ ಕಾಪಿ ಸಮೇತ ಎಸ್​ಪಿ ಆಪೀಸ್​ಗೆ ಕಳಿಸ್ತಿದೆ. ಇದರಿಂದಾಗಿ ಕೆಲವರಿಗೆ ಚುಟುಚುಟು ಶುರುವಾಗಿದ್ದು, ಎಲ್ಲಿ ಕೇಸ್ ಬಿಳುತ್ತೋ ಎನ್ನುವ ಭಯದಲ್ಲಿದ್ದಾರೆ.

ಎಸ್​ಪಿ ಮಿಥುನ್ ಕುಮಾರ್ ಏರಿಯಾ ಡಾಮಿನೇಷನ್​ ಮತ್ತು ಪೂಟ್ ಪೆಟ್ರೋಲಿಂಗ್​ನ ಮೂಲಕ ಶಿವಮೊಗ್ಗದ ಸೂಕ್ಷ್ಮ ಪ್ರದೇಶಗಳ ಮೇಲೆ ಸದಾ ಕಣ್ಣಿಡುತ್ತಿದ್ದರು. ಅವರ ನಂತರ ಬಂದಿರುವ ಎಸ್​ಪಿ ನಿಖಿಲ್ ಬಿ, ಡ್ರೋಣ್​ ಕಣ್ಗಾವಲಿನ ಮೊರೆ ಹೋಗಿದ್ದಾರೆ. ಮನೆ ಮನೆ ಪೊಲೀಸ್ ಬೆನ್ನಲ್ಲೆ ಡ್ರೋನ್ ಮೂಲಕವೇ ಸೂಕ್ಷ್ಮ ಪ್ರದೇಶಗಳ ವಿಶ್ಲೇಶಷಣೆ ಮಾಡಲಾಗುತ್ತಿದೆ. ಮತ್ತೆ ವಿಶೇಷ ಅಂದರೆ, ಈ ಡ್ರೋಣ್​ಗಳು ಫಲಿತಾಂಶ ನೀಡಲು ಪ್ರಾರಂಭಿಸಿದೆ.

ನೀವು ಪೊಲೀಸ್ ಕಣ್ಗಾವಲಿನಲ್ಲಿ ಇದ್ದೀರಿ

ಡ್ರೋನ್ ಕಾರ್ಯಾಚರಣೆಗಾಗಿಯೇ 6 ಸಿಬ್ಬಂದಿಯಿದ್ದು, ತಂಡದಲ್ಲಿ 1 ಇನ್ಸ್‌ಪೆಕ್ಟರ್, 1 ಸಬ್-ಇನ್ಸ್‌ಪೆಕ್ಟರ್ ಹಾಗೂ ಜಿಲ್ಲಾ ಸಶಸ್ತ್ರ ಮೀಸಲು ಪಡೆಯ 4 ಸಿಬ್ಬಂದಿ ಸೇರಿದ್ದಾರೆ. ಇವರೆಲ್ಲರೂ ನುರಿತ ಡ್ರೋನ್ ಪೈಲೆಟ್​ಗಳಾಗಿದ್ದಾರೆ. ಇನ್ನೂ ಒಟ್ಟು 4 ಡ್ರೋನ್‌ಗಳ ಪೈಕಿ ಸದ್ಯಕ್ಕೆ 2 ಡ್ರೋನ್‌ಗಳನ್ನು ಬಳಸಲಾಗುತ್ತಿದೆ. 112 ಸೇರಿದಂತೆ , ಸ್ಥಳೀಯರು ನೀಡುವ ದೂರಿನನ್ವಯ ಡ್ರೋರ್ಣ ಆಪರೇಷನ್​ ನಡೆಯಲಿದೆ.

ಇನ್ನೊಂದು ವಿಶೇಷ ಅಂದರೆ, ಈ ಡ್ರೋಣ್ ಕಾರ್ಯಾಚರಣೆಯಲ್ಲಿ ಆರೋಪಿಗಳು ತಪ್ಪಿಸಿಕೊಳ್ಳುವುದು ಕಷ್ಟ ಎಕೇಂದರೆ ಆಗಸದಿಂದಲೇ, ಆರೋಪಿಯ ಚಹರೆಯನ್ನ ಕ್ಲಿಯರ್​ ಆಗಿ ಕ್ಯಾಪ್ಚರ್ ಮಾಡುವ ಡ್ರೋಣ್​​, ಸರಿರಾತ್ರಿಯಲ್ಲಿಯು ಹೈ ಕ್ಲಾರಿಟಿ ಇಮೇಜ್ ನೀಡುತ್ತಿದೆ. ಹೀಗಾಗಿ ನಾನವನಲ್ಲ ಎನ್ನಲು ಸಾಧ್ಯವೆ ಇಲ್ಲ. ಒಟ್ಟಾರೆ, ಪೊಲೀಸ್ ಡ್ರೋಣ್​ ವ್ಯವಸ್ಥೆ ಈಗ ಇಡೀ ಶಿವಮೊಗ್ಗದ ಮೇಲೆ ಕಣ್ಣಿಟ್ಟಿದ್ದು ಸೂಕ್ಷ್ಮ ಪ್ರದೇಶಗಳು ಸೂಕ್ಷ್ಮ ಚಟುವಟಿಕೆಗಳ ಮೇಲೆ ಸದಾ ನಿಗಾ ಇರಲಿದೆ.

ನಮ್ಮ ಮಲೆನಾಡು ಟುಡೆಯ ವಿಡಿಯೋಗಳನ್ನು ನೀವಿಲ್ಲಿ ನೋಡಬಹುದು: https://www.youtube.com/shorts/x8I63rpLvyw