ಶರಾವತಿ ನಗರ, ಹೊಸಮನೆಯಲ್ಲಿ ಪೊಲೀಸ್ ಡ್ರೋಣ್ ಹಾರಾಟ! ವಿಡಿಯೋ ನೋಡಿ

Drone surveillance | ಮಲೆನಾಡು ಟುಡೆ | ಶಿವಮೊಗ್ಗ | ಜುಲೈ 3, 2026 | ಎಸ್​ಪಿ ನಿಖಿಲ್ ಬಿ ಜಿಲ್ಲೆಗೆ ಬಂದ ಮೇಲೆ ಸೂಕ್ಷ್ಮ ಏರಿಯಾಗಳ ಮೇಲೆ ಡ್ರೋಣ್ ಆಪರೇಷನ್​ ಮೂಲಕ ಹೆಚ್ಚು ನಿಗಾವಹಿಸಲು ವ್ಯವಸ್ಥೆ ಮಾಡಿದ್ದಾರೆ. ಈ ಡ್ರೋಣ್​ ಕಣ್ಗಾವಲಿನ ಮೂಲಕ ಶಿವಮೊಗ್ಗದಲ್ಲಿ ಹಲವು ಪ್ರಕರಣಗಳನ್ನ ದಾಖಲಿಸಲಾಗಿದೆ ಎಂದು ಇತ್ತೀಚೆಗಷ್ಟೆ ಮಾದಕವಸ್ತುಗಳನ್ನು ನಾಶ ಪಡಿಸುವ ಕುರಿತಾಗಿ ಕರೆದಿದ್ದ ಸುದ್ದಿಗೋಷ್ಟಿಯಲ್ಲಿ ಸ್ವತಃ ಎಸ್​ಪಿ ತಿಳಿಸಿದ್ದರು. ಇದೀಗ ಈ ಡ್ರೋಣ್​ ಕಾರ್ಯಾಚರಣೆ ಮುಂದುವರಿದಿದೆ.

ಈ ಬಗ್ಗೆ ಖುದ್ದು ಎಸ್​ಪಿ ನಿಖಿಲ್ ಬಿ ತಮ್ಮ ಶಿವಮೊಗ್ಗ ಎಸ್​ಪಿ ಅಧಿಕೃತ ಎಕ್ಸ್​ ಅಕೌಂಟ್​ ನಲ್ಲಿ ಮಾಹಿತಿ ನೀಡಿದ್ದು ಶಿವಮೊಗ್ಗ ನಗರದ ಶರಾವತಿ ನಗರದ 3ನೇ ಕ್ರಾಸ್ ಹಾಗೂ ಹೊಸಮನೆ 3ನೇ ಕ್ರಾಸ್ ಸುತ್ತಮುತ್ತಲ ಪ್ರದೇಶಗಳಲ್ಲಿ ಡ್ರೋಣ್ ಮೂಲಕ ನಿಗಾವಹಿಸಲಾಗಿದೆ ಎಂದು ತಿಳಿಸಿದ್ದಾರೆ.

ಈ ಭಾಗಗಳಲ್ಲಿ ಕಾನೂನು ಸುವ್ಯವಸ್ಥೆಯನ್ನು ಬಲಪಡಿಸಲು ಮತ್ತು ಅಪರಾಧ ಚಟುವಟಿಕೆಗಳನ್ನು ತಡೆಗಟ್ಟುವ ಉದ್ದೇಶದಿಂದ ಜಿಲ್ಲಾ ಪೊಲೀಸ್ ಇಲಾಖೆಯು ಡ್ರೋನ್ ಬಳಸಿ ತೀವ್ರ ನಿಗಾ ವಹಿಸಿದೆ. ಡ್ರೋನ್ ತಂತ್ರಜ್ಞಾನದ ಮೂಲಕ ಆಯಕಟ್ಟಿನ ಪ್ರದೇಶಗಳಲ್ಲಿ ಗಸ್ತು ನಡೆಸುತ್ತಿದ್ದಾರೆ ಎಂದು ಎಕ್ಸ್​ನಲ್ಲಿ ತಿಳಿಸಲಾಗಿದೆಯಷ್ಟೆ ಅಲ್ಲದೆ, ಡ್ರೋಣ್​ ಸೆರೆ ಹಿಡಿದ ದೃಶ್ಯಗಳನ್ನು ಸಹ ಪೋಸ್ಟ್ ಮಾಡಲಾಗಿದೆ.

ಸೂಕ್ಷ್ಮ ಪ್ರದೇಶಗಳಲ್ಲಿ ಅಹಿತಕರ ಘಟನೆ ನಡೆಯದಂತೆ ತಡೆಯಲು ಮತ್ತು ಅನುಮಾನಾಸ್ಪದ ಚಟುವಟಿಕೆಗಳ ಮೇಲೆ ನಿಗಾ ವಹಿಸಲು ಡ್ರೋನ್ ಕ್ಯಾಮೆರಾಗಳು ಪೊಲೀಸರಿಗೆ ಹೆಚ್ಚು ಸಹಕಾರಿಯಾಗಿದೆ.

ಶಿವಮೊಗ್ಗ ನಗರದ Sharavati Nagar 3rd cross and Hosamane 3rd cross ಸುತ್ತಮುತ್ತಲ ಪ್ರದೇಶಗಳ ಮೇಲೆ ಡ್ರೋನ್ ಹಾರಿಸುವ ಮೂಲಕ ಗಸ್ತು ನಿರ್ವಹಿಸಿ, ಚಟುವಟಿಕೆಗಳ ಮೇಲೆ ನಿಗಾವಹಿಸಲಾಗಿರುತ್ತದೆ. #police #shivamogga #dgpkarnataka@dgpkarnataka #Drone #dronevideo#DroneTechnology pic.twitter.com/uWzxI0SNO5

— SP Shivamogga (@Shivamogga_SP) July 2, 2026