2026ರ ಮೊದಲ ಸೂರ್ಯಗ್ರಹಣ: ಆಕಾಶದಲ್ಲಿಂದು ಬೆಂಕಿಯ ಉಂಗುರದ ಸಂಭ್ರಮ, ಭಾರತದಲ್ಲಿ ಗೋಚರಿಸುತ್ತಾ..? 

ಬೆಂಗಳೂರು : 2026ನೇ ಸಾಲಿನ ಮೊದಲ ಸೂರ್ಯಗ್ರಹಣವು ಇಂದು ಸಂಭವಿಸುತ್ತಿದೆ. ಫೆಬ್ರವರಿ 17ರ ಮಂಗಳವಾರ ನಡೆಯಲಿರುವ ಈ ವಿದ್ಯಮಾನವು ರಾಹುಗ್ರಸ್ತ ಕಂಕಣ ಸೂರ್ಯಗ್ರಹಣ ಎಂದು ಗುರುತಿಸಲ್ಪಟ್ಟಿದೆ. 

ಶಿವಮೊಗ್ಗ-ತೀರ್ಥಹಳ್ಳಿ ರಸ್ತೆ ಸಂಚಾರದಲ್ಲಿ ಈ ದಿನ ಮಾರ್ಗ ಬದಲಾವಣೆ: ಯಾವಾಗ, ಏಕೆ..?

ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ನಾಸಾ ಮತ್ತು ವಿಜ್ಞಾನ ಜಾಲತಾಣಗಳ ವರದಿಯ ಪ್ರಕಾರ ಈ ಗ್ರಹಣದ ಗರಿಷ್ಠ ಹಂತವು ಸುಮಾರು 2 ನಿಮಿಷ 20 ಸೆಕೆಂಡುಗಳ ಕಾಲ ದರ್ಶನ ನೀಡಲಿದೆ. ಆದರೆ ಭಾರತೀಯ ಕಾಲಮಾನದ ಪ್ರಕಾರ ಈ ಗ್ರಹಣದ ನೆರಳು ನಮ್ಮ ದೇಶದ ಮೇಲೆ ಬೀಳದ ಕಾರಣ ಭಾರತದಲ್ಲಿ ಇದು ಗೋಚರಿಸುವುದಿಲ್ಲ. ಮುಖ್ಯವಾಗಿ ಅಂಟಾರ್ಟಿಕಾ, ದಕ್ಷಿಣ ಅಮೆರಿಕ ಮತ್ತು ಆಫ್ರಿಕಾ ಖಂಡದ ಕೆಲವು ಭಾಗಗಳಲ್ಲಿ ಈ ಅದ್ಭುತ ದೃಶ್ಯ ಕಂಡುಬರಲಿದೆ. 

ವಿಜ್ಞಾನದ ದೃಷ್ಟಿಕೋನದಿಂದ ನೋಡುವುದಾದರೆ ಸೂರ್ಯ, ಭೂಮಿ ಮತ್ತು ಚಂದ್ರರು ಒಂದೇ ಸರಳ ರೇಖೆಯಲ್ಲಿ ಬಂದಾಗ ಸೂರ್ಯಗ್ರಹಣ ಸಂಭವಿಸುತ್ತದೆ. ಚಂದ್ರನು ಸೂರ್ಯ ಮತ್ತು ಭೂಮಿಯ ಮಧ್ಯೆ ಹಾದುಹೋಗುವಾಗ ಸೂರ್ಯನ ಬೆಳಕನ್ನು ತಡೆಹಿಡಿಯುವುದರಿಂದ ಭೂಮಿಯ ಮೇಲೆ ನೆರಳು ಬೀಳುತ್ತದೆ. ಈ ಬಾರಿಯ ಕಂಕಣ ಸೂರ್ಯಗ್ರಹಣದ ವಿಶೇಷವೆಂದರೆ ಚಂದ್ರನು ಭೂಮಿಯಿಂದ ಸ್ವಲ್ಪ ದೂರದಲ್ಲಿರುವುದರಿಂದ ಸೂರ್ಯನನ್ನು ಸಂಪೂರ್ಣವಾಗಿ ಮುಚ್ಚಲು ಸಾಧ್ಯವಾಗುವುದಿಲ್ಲ. ಇದರಿಂದಾಗಿ ಸೂರ್ಯನ ಮಧ್ಯಭಾಗ ಮಾತ್ರ ಕತ್ತಲಾಗಿ ಅಂಚುಗಳು ಪ್ರಕಾಶಮಾನವಾಗಿ ಕಾಣಿಸುತ್ತವೆ. ಈ ಸುಂದರ ದೃಶ್ಯವು ಆಕಾಶದಲ್ಲಿ ಬೆಂಕಿಯ ಉಂಗುರದಂತೆ ಗೋಚರಿಸುವುದರಿಂದ ಇದನ್ನು ವಿಜ್ಞಾನಿಗಳು “ರಿಂಗ್ ಆಫ್ ಫೈರ್” (Ring of Fire) ಎಂದು ಕರೆಯುತ್ತಾರೆ. 

ಈ ಬಾರಿಯ ಗ್ರಹಣದ ವೇಳೆ ಚಂದ್ರನು ಸೂರ್ಯನ ಸುಮಾರು ಶೇಕಡಾ 96 ರಷ್ಟು ಭಾಗವನ್ನು ಮುಚ್ಚಲಿದ್ದಾನೆ ಎಂದು ಅಂದಾಜಿಸಲಾಗಿದೆ. ಭಾರತದಲ್ಲಿ ಈ ಗ್ರಹಣ ಕಾಣಿಸದ ಕಾರಣ ಯಾವುದೇ ರೀತಿಯ ಧಾರ್ಮಿಕ ನಿರ್ಬಂಧಗಳು ಅಥವಾ ಸೂತಕದ ನಿಯಮಗಳು ಇಲ್ಲಿ ಅನ್ವಯಿಸುವುದಿಲ್ಲ ಎಂದು ಸ್ಪಷ್ಟಪಡಿಸಲಾಗಿದೆ. 

Annular Solar Eclipse Ring of Fire Guide