ಮಲೆನಾಡು ಟುಡೆ ಸುದ್ದಿ / ಶಿವಮೊಗ್ಗ /ಶಿವಮೊಗ್ಗದಲ್ಲಿ ಹೈಕೋರ್ಟ್ ಪೀಠ ಸ್ಥಾಪಿಸಬೇಕೆಂಬ ಬೇಡಿಕೆಗೆ ಸಂಬಂಧಿಸಿದ ಹೋರಾಟದಲ್ಲಿ ಹೊಸ ಬೆಳವಣಿಗೆ ಕಂಡುಬಂದಿದ್ದು, ಹೈಕೋರ್ಟ್ ಮುಖ್ಯ ನ್ಯಾಯಮೂರ್ತಿಗಳ ಆದೇಶದಂತೆ ಮೂವರು ನ್ಯಾಯಮೂರ್ತಿಗಳ ಸಮಿತಿ ರಚನೆಯಾಗಿರುವ ಸುದ್ದಿ ಇಂದಿನ ಮಲೆನಾಡು ಟುಡೆ ಇ-ಪೇಪರ್‌ನ ಪ್ರಮುಖ ಸುದ್ದಿಯಾಗಿದೆ.
ಸಾಗರದ ಗಣಪತಿ ಕೆರೆ ಪಕ್ಕದಲ್ಲಿರುವ ಶಾಶ್ವತ ಧ್ವಜಸ್ತಂಭದ ಆವರಣ ನಿರ್ವಹಣೆ ಕುರಿತು ಮಾಜಿ ಸಚಿವ ಹರತಾಳು ಹಾಲಪ್ಪ ಅವರು ಮಾಡಿರುವ ಆರೋಪಕ್ಕೂ ಮೊದಲ ಪುಟದಲ್ಲಿ ಆದ್ಯತೆ ನೀಡಲಾಗಿದೆ. ಧ್ವಜಸ್ತಂಭದ ಸುತ್ತಮುತ್ತ ಕಸ ಹಾಗೂ ಡ್ರೈನೇಜ್ ನೀರು ಸೇರಿ ಪರಿಸ್ಥಿತಿ ಹದಗೆಟ್ಟಿದೆ ಎಂದು ಅವರು ಆರೋಪಿಸಿರುವ ವಿವರ ವರದಿಯಲ್ಲಿದೆ
ಸಾಗರ ಪಟ್ಟಣದ ಸಿಗಂದೂರು ರಸ್ತೆಯಲ್ಲಿರುವ ಸಿಗಂದೂರು ಚೌಡೇಶ್ವರಿ ಪೆಟ್ರೋಲ್ ಬಂಕ್ ಹಿಂಭಾಗದ ನಿರ್ಜನ ಪ್ರದೇಶದಲ್ಲಿ ರಾತ್ರಿ ವೇಳೆ ಇಬ್ಬರು ವ್ಯಕ್ತಿಗಳು ಪೂಜಾ ವಿಧಿಯಲ್ಲಿ ತೊಡಗಿದ್ದ ಘಟನೆ ಸ್ಥಳೀಯರಲ್ಲಿ ಆತಂಕ ಮೂಡಿಸಿದ ಸುದ್ದಿಯೂ ಗಮನ ಸೆಳೆದಿದೆ. ಸ್ಥಳೀಯರು ಅವರನ್ನು ಪ್ರಶ್ನಿಸಿದ್ದು, ಬಳಿಕ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಸಾರ್ವಜನಿಕರಲ್ಲಿ ಭೀತಿ ಉಂಟುಮಾಡುವ ಚಟುವಟಿಕೆಗಳಲ್ಲಿ ತೊಡಗದಂತೆ ಎಚ್ಚರಿಕೆ ನೀಡಿರುವ ವಿವರ ಪ್ರಕಟವಾಗಿದೆ.
ರಾಜ್ಯದ ಮೃಗಾಲಯಗಳು ಮತ್ತು ವನ್ಯಜೀವಿ ಧಾಮಗಳಲ್ಲಿ ಕಾಯಂ ಹಾಗೂ ಪರಿಣಿತ ಪಶುವೈದ್ಯರ ಕೊರತೆ ಇರುವ ವಿಚಾರವನ್ನೂ ಇಂದಿನ ಸಂಚಿಕೆಯಲ್ಲಿ ವಿಸ್ತೃತವಾಗಿ ಪ್ರಸ್ತಾಪಿಸಲಾಗಿದೆ. ವನ್ಯಜೀವಿಗಳ ದೇಹರಚನೆ, ವರ್ತನೆ, ಆಹಾರ ಪದ್ಧತಿ ಹಾಗೂ ಚಿಕಿತ್ಸಾ ವಿಧಾನಗಳು ಭಿನ್ನವಾಗಿರುವುದರಿಂದ ವಿಶೇಷ ತರಬೇತಿ ಪಡೆದ ವೈದ್ಯರ ಅಗತ್ಯವಿದೆ ಎಂಬ ಅಭಿಪ್ರಾಯವನ್ನು ವರದಿ ಮುಂದಿಟ್ಟಿದೆ.
ಇವತ್ತಿನ ಮಲೆನಾಡು ಟುಡೆ ಇ-ಪೇಪರ್ ಓದಿ
ಶಿವಮೊಗ್ಗ ಹಾಗೂ ಮಲೆನಾಡು ಭಾಗದ ಪ್ರಮುಖ ಸುದ್ದಿಗಳು, ವಿಶೇಷ ವರದಿಗಳು, ಸ್ಥಳೀಯ ಬೆಳವಣಿಗೆಗಳು ಮತ್ತು ಲೇಖನಗಳ ಸಂಪೂರ್ಣ ವಿವರಕ್ಕಾಗಿ ಇವತ್ತಿನ ‘ಮಲೆನಾಡು ಟುಡೆ’ ಇ-ಪೇಪರ್ ಓದಿ. PDF ಡೌನ್‌ಲೋಡ್ ಮಾಡಲು ಕೆಳಗಿನ Google Drive ಲಿಂಕ್ ಕ್ಲಿಕ್ ಮಾಡಿ.
ಇಂದಿನ ಇ-ಪೇಪರ್ ಓದಲು ಮತ್ತು ಡೌನ್‌ಲೋಡ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ: [ಮಲೆನಾಡು ಟುಡೆ ಇ ಪತ್ರಿಕೆ]
