ಕುಕ್ಕರ್ ಬಾಂಬ್ ಸ್ಫೋಟ ಪ್ರಕರಣ: ಶಿವಮೊಗ್ಗದ ಪ್ರಮುಖ ಆರೋಪಿಯ ತಪ್ಪೊಪ್ಪಿಗೆ ಅರ್ಜಿಗೆ ನ್ಯಾಯಾಲಯದ ಅಸ್ತು!

Mangaluru Cooker Blast Case ಶಿವಮೊಗ್ಗ : ಶಿವಮೊಗ್ಗದಲ್ಲಿ ಅಂದಿನ  ಎಸ್​ಪಿ ಲಕ್ಷ್ಮೀ ಪ್ರಸಾದ್ ನೇತೃತ್ವದ ತಂಡ ಭೇದಿಸಿದ್ದ ತುಂಗಾ ತೀರದ ಟ್ರಯಲ್​ ಬ್ಲಾಸ್ಟ್​ ಕೇಸ್​ ನಂತರ ಶಿವಮೊಗ್ಗ ಐಸಿಸಿ ಮಾಡ್ಯುಲ್​ ಎಂಬ ವ್ಯವಸ್ಥಿತ ಉಗ್ರ ಸಂಚಿನ ಬಗ್ಗೆಎನ್​ಐಎ ತಂಡ ವಿಸ್ತೃತ ಚಾರ್ಜ್​ ಶೀಟ್​ ಸಲ್ಲಿಸಿತ್ತು. ತುಂಗಾ ತೀರದಲ್ಲಿ ಶಂಕಿತ ಉಗ್ರರು ಟ್ರಯಲ್​ ಬ್ಲಾಸ್ಟ್​ ನಡೆಸಿದ್ದ ಆರೋಪಿಗಳು ಮಂಗಳೂರಿನಲ್ಲಿ ಕುಕ್ಕರ್ ಬಾಂಬ್ ಸ್ಫೋಟಕ್ಕೆ ಕಾರಣವಾಗಿದ್ದರಷ್ಟೆ ಅಲ್ಲದೆ ತದನಂತರ ರಾಮೇಶ್ವರಂ ಕಫೆಯಲ್ಲಿನ ಬ್ಲಾಸ್ಟ್​ಗೂ ಕಾರಣವಾಗಿದ್ದರು. ಸದ್ಯ ಈ ಪ್ರಕರಣದಲ್ಲಿ ಪ್ರಮುಖ ಆರೋಪಿ ಶಿವಮೊಗ್ಗದ ಶಾರೀಖ್​ ತಪ್ಪೊಪ್ಪಿಕೊಂಡಿದ್ದಾನೆ.

ಶಿವಮೊಗ್ಗದಲ್ಲಿ 2 ದಿನ ವಿದ್ಯುತ್​ ವ್ಯತ್ಯಯ, ಯಾವಾಗ, ಎಲ್ಲೆಲ್ಲಿ ಕರೆಂಟ್​ ಇರಲ್ಲ

 ಈತ ಸಲ್ಲಿಸಿರುವ ತಪ್ಪೊಪ್ಪಿಗೆ ಅರ್ಜಿಯನ್ನು ಕೋರ್ಟ್ ಮಾನ್ಯ ಮಾಡಿದೆ. ಅಂದಹಾಗೆ ಈತ ಮಂಗಳೂರು ಕುಕ್ಕರ್ ಬ್ಲಾಸ್ಟ್ ಕೇಸ್​ನಲ್ಲಿ ಮಾತ್ರ ತಪ್ಪೊಪ್ಪಿಗೆ ಅರ್ಜಿ ಸಲ್ಲಿಸಿದ್ದು, ತುಂಗಾ ತೀರದ ಟ್ರಯಲ್ ಬ್ಲಾಸ್ಟ್​ನಲ್ಲಿ ತಪ್ಪೊಪ್ಪಿಗೆ ಸಲ್ಲಿಸಿಲ್ಲ. ಬೆಂಗಳೂರಿನಲ್ಲಿರುವ ಎನ್​ಐಎ ವಿಶೇಷ ನ್ಯಾಯಾಲಯದಲ್ಲಿ ಕಳೆದ ಡಿಸೆಂಬರ್​ನಲ್ಲಿ ತಪ್ಪೊಪ್ಪಿಗೆ ಅರ್ಜಿ ಸಲ್ಲಿಸಿದ್ದು ಇದೀಗ ಕೋರ್ಟ್ ಈತನ ಅರ್ಜಿಯನ್ನ ಮಾನ್ಯ ಮಾಡಿತ್ತು.

2024 ರ ಏಪ್ರಿಲ್​ನಲ್ಲಿ ಈ ಸಂಬಂಧ ಆರೋಪಿ ಮೇಲೆ ಚಾರ್ಜ್​ ಮಾಡಲಾಗಿತ್ತಾದರೂ, ಆ ಸಂದರ್ಭದಲ್ಲಿ ಶಾರೀಖ್​ ತಪ್ಪೊಪ್ಪಿಕೊಂಡಿರಲಿಲ್ಲ. ಇದೀಗ ಈತನೇ ಖುದ್ಧಾಗಿ ಅರ್ಜಿ ಸಲ್ಲಿಸಿರುವುದರಿಂದ ಕೋರ್ಟ್ ಅರ್ಜಿ ಮಾನ್ಯ ಮಾಡಿದ್ದು , ಈ ಹಿಂದೆ ಮಾಡಲಾದ ಆರೋಪಕ್ಕೆ ಸಂಬಂಧಿಸಿದಂತೆ ಇದೀಗ ಕೋರ್ಟ್ ಮತ್ತೊಮ್ಮೆ ಶಾರೀಖ್​ನಿಂದ ಹೇಳಿಕೆಯನ್ನು ಪಡೆಯಲಿದೆ. 

Mangaluru Cooker Blast Case ಶಿವಮೊಗ್ಗದವನಾದ ಶಾರೀಖ್​ ಮಂಗಳೂರಿನಲ್ಲಿ ಗೋಡೆ ಬರಹ ಪ್ರಕರಣದಲ್ಲಿ ಆರೋಪಿಯಾಗಿದ್ದ. ಆ ಪ್ರಕರಣದಲ್ಲಿ 8 ತಿಂಗಳ ಕಾಲ ಜೈಲಿನಲ್ಲಿದ್ದ. ತದನಂತರ ಶಾರೀಖ್ ಆಂಡ್ ಟೀಂ ಶಿವಮೊಗ್ಗ ಜಿಲ್ಲೆಯಲ್ಲಿ ವ್ಯವಸ್ಥಿತ ಸಂಚಿನ ತರಭೇತಿ ನಡೆಸಿತ್ತು. 2022 ರ ಸೆಪ್ಟೆಂಬರ್​ನಲ್ಲಿ ತುಂಗಾ ತೀರದಲ್ಲಿ ಐಇಡಿ ಬ್ಲಾಸ್ಟ್ ಮಾಡಿದ್ದ ಪ್ರಕರಣ ಹೊರಬಿದ್ದಿತ್ತು. ಅದಕ್ಕೂ ಮೊದಲು ನಡೆದಿದ್ದ ಕೊಲೆಯತ್ನ ಪ್ರಕರಣವೊಂದನ್ನ ಭೇದಿಸಿದ್ದ ಶಿವಮೊಗ್ಗ ಪೊಲೀಸರು ಉಗ್ರ ಸಂಚಿನ ದೊಡ್ಡ ಜಾಲವನ್ನೇ ಬಯಲಿಗೆಳೆದಿದ್ದರು. ಇದರ ಬೆನ್ನಲ್ಲೆ ನವೆಂಬರ್​ನಲ್ಲಿ ಮಂಗಳೂರಿನಲ್ಲಿ ಕುಕ್ಕರ್ ಬಾಂಬ್​ ಸ್ಫೋಟ ಸಂಭವಿಸಿತ್ತು. ಕುಕ್ಕರ್ ಬಾಂಬ್​ ಇಟ್ಟುಕೊಂಡು ಆಟೋದಲ್ಲಿ ತೆರಳುತ್ತಿದ್ದ ಶಾರೀಖ್​, ಆಕಸ್ಮಿಕವಾಗಿ ರಸ್ತೆಯಲ್ಲಿಯೇ ಕುಕ್ಕರ್ ಸ್ಫೋಟಗೊಂಡಿದ್ದರಿಂದ ಗಂಭೀರವಾಗಿ ಗಾಯಗೊಂಡಿದ್ದ. 

ಬಳಿಕ ಪ್ರಕರಣದ ತನಿಖೆ ಆರಂಭಿಸಿದ ಪೊಲೀಸರಿಗೆ ಶಾರೀಖ್​ನ ಟಾರ್ಗೆಟ್​ಗಳ ಬಗ್ಗೆ ವಿಚಾರ ಗೊತ್ತಾಗಿತ್ತು.ತದನಂತರ ಶಾರೀಖ್​ನ ಸಹಚರರು ಬೆಂಗಳೂರಿನ ರಾಮೇಶ್ವರಂ ಕಫೆಯಲ್ಲಿ ಸ್ಫೋಟಕ್ಕೆ ಕಾರಣವಾಗಿದ್ದರು. ಸಂಪೂರ್ಣ ಪ್ರಕರಣಗಳನ್ನು ತನ್ನ ತಕ್ಕೆಗೆ ತೆಗೆದುಕೊಂಡಿದ್ದ ಎನ್​ಐಎ ಶಿವಮೊಗ್ಗ ಐಸಿಸಿ ಮ್ಯಾಡ್ಯುಲ್​ ಎಂದು ಪ್ರತ್ಯೇಕಿಸಿ ಎಲ್ಲಾ ಪ್ರಕರಣಗಳಲ್ಲಿಯು ವಿಶೇಷ ನ್ಯಾಯಾಲಯಕ್ಕೆ ಚಾರ್ಜ್​ ಶೀಟ್​ ಸಲ್ಲಿಸಿತ್ತು. ಅಲ್ಲದೆ ಆರೋಪಿಗಳ ಕುಕೃತ್ಯದ ಬಗ್ಗೆ ವಿಸ್ತೃತವಾಗಿ ವಿವರಿಸಿತ್ತು. 

ಈ ಮಧ್ಯೆ ಶಾರೀಖ್​ನ ತಪ್ಪೊಪ್ಪಿಗೆ ಪ್ರಕರಣವನ್ನು ಆತ ಜೈಲಿನಿಂದ ಬೇಗ ಬಿಡುಗಡೆಯಾಗಲು ಮಾಡುತ್ತಿರುವ ನಾಟಕದ ಭಾಗ ಎಂದು ಅಧಿಕಾರಿಗಳು ವಿಶ್ಲೇಷಿಸಿದ್ದಾರೆ. ಇನ್ನೂ ಇದೇ ರೀತಿಯಲ್ಲಿ ಶಿವಮೊಗ್ಗ ಟ್ರಯಲ್​ ಬ್ಲಾಸ್ಟ್ ಕೇಸ್​ನಲ್ಲಿ ಒಟ್ಟು 12 ಆರೋಪಿಗಳ ಪೈಕಿ ಮೂವರು ತಪ್ಪೊಪ್ಪಿಗೆ ಸಲ್ಲಿಸಿದ್ದಾರೆ, ಕಳೆದ ವರ್ಷ ಇಬ್ಬರ ಅರ್ಜಿಯನ್ನು ನ್ಯಾಯಾಲಯ ಮಾನ್ಯ ಮಾಡಿದೆ.

Mangaluru Cooker Blast Case Main Accused Pleads Guilty