Chikmagalur ಚಿಕ್ಕಮಗಳೂರು : ಅಯ್ಯೋ ದಿನ ಹೀಗಾಗ್ತ ಇದ್ಯಾಲ್ಲಾ, ಯಾರ್ ತೆಗಿತಿದ್ದಾರೆ, ದೊಡ್ ಅಮೌಂಟ್ ಏನ್ ಅಲ್ಲ ಚಿಕ್ದಾದ್ರು ಎಲ್ಲಾ ಹೋಗುತ್ತೇ ಅನ್ನೋದು ಗೊತ್ತಾಗ್ಬೇಕ್ ಅಲ್ವಾ ಅಂತ ಟೆನ್ಷನ್ ಮಾಡ್ಕೊಂಡಿದ್ದ ಚಿಕನ್ ಅಂಗಡಿ ಮಾಲೀಕನಿಗೆ ಕೊನೆಗೂ ತಿಳಿಯಿತು ಇಲಿರಾಯನ ಸತ್ಯ! ಈ ಹಿಂದೆ ತುಮಕೂರಿನ ಜ್ಯುವೆಲರಿ ಶಾಪ್ ಒಂದರಲ್ಲಿ ಲಕ್ಷಾಂತರ ರೂಪಾಯಿ ಬಂಗಾರ ತಗೊಂಡು ಹೋಗಿ ಸುದ್ದಿ ಆಗಿದ್ದ ಇಲಿ, ಇಲ್ಲೂ ದುಡ್ಡು ತಗೊಂಡು ಹೋಗಿ ಸುದ್ದಿ ಆಗಿದೆ ನೋಡಿ. ಇದು ಎಲ್ಲಿ ನಡೆದಿದ್ದು, ಏನಾಯ್ತು ಅನ್ನೋ ಸಂಪೂರ್ಣ ಸುದ್ದಿ ಇಲ್ಲಿದೆ ನೋಡಿ.
ಶಿವಮೊಗ್ಗ ; 27 ವರ್ಷದ ಯುವಕನಿಗೆ 10 ವರ್ಷ ಕಠಿಣ ಶಿಕ್ಷೆ, ಸಂತ್ರಸ್ತೆಗೆ 2 ಲಕ್ಷ ಪರಿಹಾರ, ಏನಿದು ಸುದ್ದಿ
ಈ ಘಟನೆ ನಡೆದಿದ್ದು ಚಿಕ್ಕಮಗಳೂರಿನ ಅಜ್ಜಂಪುರ ಪಟ್ಟಣದ ಜಮ್ ಜಮ್ ಅನ್ನೋ ಒಂದು ಚಿಕನ್ ಅಂಗಡಿಯಲ್ಲಿ. ಏನಾಗ್ತಿತ್ತು ಅಂದರೆ ಚಿಕನ್ ಅಂಗಡಿಯಲ್ಲಿ ದಿನಾ ವ್ಯಾಪಾರ ನಡೀತಾ ಇತ್ತು. ಮಾಲೀಕ ಸಿದ್ದೀಕ್ ಹಣವನ್ನು ಡ್ರಾಯರ್ನಲ್ಲಿ ಲೆಕ್ಕ ಮಾಡಿ ಹಾಕಿ ಇಡ್ತಾ ಇದ್ದರು. ಆದ್ರೆ ಮರುದಿನ ನೋಡುವಾಗ 50, 100 ರೂಪಾಯಿ ವ್ಯತ್ಯಾಸ ಬರ್ತಿತ್ತು. ಮೊದ್ ಮೊದ್ಲಿಗೆ ಆತನಿಗೆ ಸಣ್ಣ ಅಮೌಂಟ್ ಅಲ್ವಾ, ಎಲ್ಲೋ ನನ್ನಿಂದಲೇ ಮಿಸ್ ಆಗಿರ್ಬೇಕು ಅನ್ಸಿತ್ತು. ಆದ್ರೂ ದಿನಾ ಹೀಗೆ ಆಗ್ತಿರೋದ್ರಿಂದ ಯಾರಾದ್ರೂ ಅಂಗಡಿಗೆ ಕನ್ನ ಹಾಕ್ತಿದ್ದಾರಾ ಎಂಬ ಅನುಮಾನ ಹಾಗೆಯೇ ಭಯ ಆತನಲ್ಲಿ ಮೂಡಿತು. ಛೇ, ಎಲ್ಲೋ ಮಿಸ್ ಹೊಡಿತಿದೆ. ಏನಾದ್ರೂ ಆಗ್ಲಿ, ಆ ಕಳ್ಳ ಯಾರೆಂದು ಪತ್ತೆ ಹಚ್ಚಲೇಬೇಕು ಎಂದು ಪಟ್ಟು ಹಿಡಿದು ಅಂಗಡಿಯ ಮೂಲೆಗಳನ್ನೆಲ್ಲಾ ಹುಡುಕಲಾರಂಭಿಸಿದರು.
ಆಗ ಆತನ ಕಣ್ಣಿಗೆ ಪ್ಲಾಸ್ಟಿಕ್ ಕವರ್ ಒಂದು ಕಾಣಿಸಿತು. ಆ ಕವರ್ ಅನ್ನು ಓಪನ್ ಮಾಡಿದ ಆತನಿಗೆ 50, 100, 20 ರೂಪಾಯಿಯ ನೋಟುಗಳೊಂದಿಗೆ ವಿಮಲ್ ಕವರ್ ಹಾಗೂ ಪ್ಲಾಸ್ಟಿಕ್ ಕವರ್ಗಳನ್ನು ಸೇರಿಸಿ ನಿರ್ಮಿಸಿದ ಐಷಾರಾಮಿ ಇಲಿಯ ಗೂಡು ಕಾಣಿಸಿತು! ಈ ಶ್ರೀಮಂತ ಇಲಿಯ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಇಲಿಗೂ ಹಣದ ಬೆಲೆ ಗೊತ್ತಾಗಿದೆ, ನೋಟುಗಳ ಮೇಲೆ ಮಲಗಿದ ಶ್ರೀಮಂತ ಇಲಿ ಎಂಬ ಹಾಸ್ಯಮಿಶ್ರಿತ ಪ್ರತಿಕ್ರಿಯೆಗಳು ವ್ಯಕ್ತವಾಗುತ್ತಿವೆ.
ಈ ಹಿಂದೆ ತುಮಕೂರಿನ ಜುವೆಲ್ಲರಿ ಶಾಪ್ ಒಂದರಲ್ಲಿ ಇದೇ ರೀತಿಯ ಘಟನೆ ನಡೆದಿತ್ತು. ಅದೇನಂದ್ರೆ ಇಲಿಯೊಂದು ಜುವೆಲ್ಲರಿ ಶಾಪ್ ಒಳ ಹೊಕ್ಕಿ ಸುಮಾರು 10 ಲಕ್ಷಕ್ಕೂ ಮೌಲ್ಯದ ಆಭರಣಗಳನ್ನು ಹೊತ್ತಿಯ್ದಿತ್ತು, ಆಗಲೂ ಶಾಪ್ನ ಮಾಲೀಕರು ಇದೇ ರೀತಿ ತಲೆ ಕೆಡಿಸಿಕೊಂಡು ಕೊನೆಗೆ ಹುಡುಗಿದಾಗ ಇಲಿ ಚಿನ್ನಾಭರಣವನ್ನು ಹೊತ್ತೊಯ್ದಿದ್ದು ಪತ್ತೆಯಾಯ್ತು, ಇಲ್ಲಿಯೂ ಸಹ ಇಂತಹದ್ದೇ ಘಟನೆ ನಡೆದಿದ್ದು, ಸಾರ್ವಜನಿಕರಲ್ಲಿ ಅಚ್ಚರಿಯನ್ನು ಮೂಡಿಸಿದೆ.
