ಕಾಂತಾರ ದರ್ಶನಕ್ಕೆ ಕ್ಷಣಗಣನೆ : ಕಾಂತಾರ ಚಾಪ್ಟರ್ 1 ಟ್ರೇಲರ್ ಬಿಡುಗಡೆ ದಿನಾಂಕ ಘೋಷಣೆ

Kanthara chapter 01 trailer :  ಕಾಂತಾರ ದರ್ಶನಕ್ಕೆ ಕ್ಷಣಗಣನೆ :  ಕಾಂತಾರ ಚಾಪ್ಟರ್ 1 ಟ್ರೇಲರ್ ಬಿಡುಗಡೆ ದಿನಾಂಕ ಘೋಷಣೆ

ರಿಶಬ್​ ಶೆಟ್ಟಿ ನಿರ್ದೇಶಿಸಿ ನಟಿಸುತ್ತಿರುವ ಬಹುನಿರೀಕ್ಷಿತ ಕಾಂತಾರ ಚಾಪ್ಟರ್​ 01 ಚಿತ್ರ ಅಕ್ಟೋಬರ್​ 02 ರಂದು ವಿಶ್ವದಾಧ್ಯಂತ  ಬಿಡುಗಡೆಯಾಗುತ್ತಿದ್ದು, ಇದೀಗ ಚಿತ್ರತಂಡ ಚಿತ್ರದ ಟ್ರೇಲರ್​ ದಿನಾಂಕವನ್ನು ಘೋಷಿಸಿದೆ. ಕಾಂತಾರ ಚಾಪ್ಟರ್​ 1 ಚಿತ್ರದ ಟ್ರೇಲರ್​ ಸೆಪ್ಟಂಬರ್​ 22 ರಂದು ಸೋಮವಾರ  ಮದ್ಯಾಹ್ನ 12:45 ಕ್ಕೆ ಬಿಡುಗಡೆಯಾಗಲಿದೆ.

ಚಿತ್ರ ಬಿಡುಗಡೆಗೆ ಇನ್ನು ಕೇವಲ 13 ದಿನಗಳು ಮಾತ್ರ ಉಳಿದಿದ್ದು, ಚಿತ್ರತಂಡ ಇದುವರೆಗೆ ಯಾವುದೇ ರೀತಿಯ ಪ್ರಚಾರವನ್ನು ಆರಂಭಿಸಿರಲಿಲ್ಲ. ಈ ಹಿಂದೆ ಒಂದು ಗ್ಲಿಂಪ್ಸ್ ಮತ್ತು ಚಿತ್ರೀಕರಣದ ಕೆಲವೊಂದು ಕಿರು ತುಣುಕುಗಳನ್ನು ಮಾತ್ರ ಬಿಡುಗಡೆ ಮಾಡಲಾಗಿತ್ತು. ಹಾಗಾಗಿ, ಅಭಿಮಾನಿಗಳು ಟ್ರೇಲರ್‌ಗಾಗಿ ಕಾತುರದಿಂದ ಕಾಯುತ್ತಿದ್ದರು. ಕೆಲವರು ಸೆಪ್ಟೆಂಬರ್ 20ರಂದು ಟ್ರೇಲರ್ ಬಿಡುಗಡೆಯಾಗಲಿದೆ ಎಂದು ಊಹಾಪೋಹಗಳನ್ನು ಹಬ್ಬಿಸಿದ್ದರು. ಆದರೆ, ಆ ಎಲ್ಲಾ ಊಹಾಪೋಹಗಳಿಗೆ ತೆರೆ ಎಳೆದು, ಹೊಂಬಾಳೆ ಫಿಲಮ್ಸ್ ತನ್ನ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಪೋಸ್ಟ್ ಮಾಡುವ ಮೂಲಕ ಅಧಿಕೃತವಾಗಿ ಟ್ರೇಲರ್ ದಿನಾಂಕವನ್ನು ಘೋಷಿಸಿದೆ.

 

View this post on Instagram

 

A post shared by Hombale Films (@hombalefilms)

2022ರಲ್ಲಿ, ‘ಕಾಂತಾರ’ ಚಿತ್ರದ ಟ್ರೇಲರ್ ಕೂಡ ಸೆಪ್ಟೆಂಬರ್ 5ರಂದು ಬಿಡುಗಡೆಯಾಗಿತ್ತು ಮತ್ತು ಸೆಪ್ಟೆಂಬರ್ 30ರಂದು ಚಿತ್ರ ಬಿಡುಗಡೆಯಾಗಿ ವಿಶ್ವಾದ್ಯಂತ ಭಾರಿ ಯಶಸ್ಸು ಗಳಿಸಿತ್ತು. ಇದೀಗ ‘ಕಾಂತಾರ ಚಾಪ್ಟರ್ 1’ ಚಿತ್ರಕ್ಕೂ ಅದೇ ರೀತಿಯ ನಿರೀಕ್ಷೆಗಳಿದ್ದು, ಈ ಹೊಸ ಟ್ರೇಲರ್ ಮೂಲಕ ಚಿತ್ರದ ನಿರೀಕ್ಷೆ ಇನ್ನಷ್ಟು ಹೆಚ್ಚಾಗಲಿದೆ.