ತನ್ನ ನೆರಳಿಗೆ ಹೆದರಿ ಬುಸುಗುಟ್ಟಿದ ನಾಗರಾಜ/ ಶರಾವತಿ ಡೆಂಟಲ್ ಕಾಲೇಜಿನಲ್ಲಿ ಸರ್ಪದರ್ಶನ
ಏನೋ ಶಬ್ದವಾಗುತ್ತಿದೆ ಎಂದು ನೋಡಿದ ಸಿಬ್ಬಂದಿ, ಟಾರ್ಚ್ ಲೈಟ್ ಬಿಟ್ಟು ಹುಡುಕಿದಾಗ ಹಾವೊಂದು ಹರಿದಾಡ್ತಿರುವುದು ಕಂಡಿದೆ. ಭಯಬಿದ್ದವರೇ ಸ್ನೇಕ್ ಕಿರಣ್ಗೆ ಫೋನ್ ಹಾಯಿಸಿದ್ಧಾರೆ.
Malenadu Today ಶಿವಮೊಗ್ಗದ ಹೊರವಲಯದಲ್ಲಿರುವ ಶರಾವತಿ ಡೆಂಟಲ್ ಕಾಲೇಜಿನಲ್ಲಿ ನಿನ್ನೆ ನಾಗರ ಹಾವೊಂದು ಬಂದು ಬಿಟ್ಟಿತ್ತು. ಸುಮಾರು ನಾಲ್ಕುವರೆ ಅಡಿ ಉದ್ದವಿದ್ದ ನಾಗರ ಕಪ್ಪೆಯೊಂದನ್ನು ತಿಂದು ಕಾಲೇಜಿನ ಮೆಟ್ಟಿಲ ಮೇಲೆ ಹೆಡೆಯೆತ್ತಿಕೊಂಡು ಬುಸುಗುಟ್ಟುತ್ತಿತ್ತು.
ಏನೋ ಶಬ್ದವಾಗುತ್ತಿದೆ ಎಂದು ನೋಡಿದ ಸಿಬ್ಬಂದಿ, ಟಾರ್ಚ್ ಲೈಟ್ ಬಿಟ್ಟು ಹುಡುಕಿದಾಗ ಹಾವೊಂದು ಹರಿದಾಡ್ತಿರುವುದು ಕಂಡಿದೆ. ಭಯಬಿದ್ದವರೇ ಸ್ನೇಕ್ ಕಿರಣ್ಗೆ ಫೋನ್ ಹಾಯಿಸಿದ್ಧಾರೆ.
ವಿಷಯ ತಿಳಿದು ಸ್ನೇಕ್ ಕಿರಣ್ ಸ್ಥಳಕ್ಕೆ ಬರುವಷ್ಟರಲ್ಲಿ ಹಾವು, ಮೆಟ್ಟಿಲ ಸಂದಿಯಲ್ಲಿದ್ದ ಜಾಗವೊಂದರಲ್ಲಿ ಸೇರಿಕೊಂಡಿತ್ತು. ಹಾವಿನ ಇರುವಿಕೆಯನ್ನು ಹುಡುಕಿದ ಸ್ನೇಕ್ ಕಿರಣ್ ಅದನ್ನ ಅಲ್ಲಿ ತೆಗೆದರು, ಅಷ್ಟರಲ್ಲಿ ಹಾವು ಮೆಟ್ಟಿಲ ಮೇಲಿರುವ ಜಾಗದಲ್ಲಿ ಹರಿದಾಡಲು ಆರಂಭಿಸಿತು. ಅಲ್ಲದೆ ಟಾರ್ಚ್ ಬೆಳಕಿನಲ್ಲಿ ಕಾಣಿಸಿದ ತನ್ನ ನೆರಳನ್ನ ನೋಡಿದ ನಾಗರಾಜ, ನೆರಳು ಹರಿದಾಡಿದತ್ತ ತನ್ನ ಹೆಡೆಯಾಡಿಸುತ್ತಾ ಬುಸುಗುಟ್ಟುತ್ತಿತ್ತು. ಇದರ ಬಗ್ಗೆ ಮಾಹಿತಿ ಕೊಟ್ಟ ಸ್ನೇಕ್ ಕಿರಣ್, ಹಾವನ್ನು ಹಿಡಿದು ಸುರಕ್ಷಿತ ಸ್ಥಳಕ್ಕೆ ಕೊಂಡೊಯ್ದರು.
