jogfalls news today ಮಳೆಗಾಲದ ಕಳೆ ಹೆಚ್ಚಿಸಿಕೊಂಡ ಜೋಗ: ಪ್ರವಾಸಿಗರ ದಂಡು, ಲಿಂಗನಮಕ್ಕಿ ಡ್ಯಾಂನಲ್ಲೂ ನೀರಿನ ಮಟ್ಟ ಏರಿಕೆ

Jogfalls news : ಮಲೆನಾಡಿನಲ್ಲಿ ಮುಂಗಾರು ಮಳೆ ಬಿರುಸುಗೊಂಡಿದ್ದು, ರಾಜ್ಯದ ಹೆಮ್ಮೆಯ ಜೋಗ ಜಲಪಾತ ಮರು ಜೀವ ಪಡೆದು ಮೈದುಂಬಿಕೊಳ್ಳುತ್ತಿದೆ. ಈ ಹಿನ್ನೆಲೆಯಲ್ಲಿ ಜೋಗದ ಸೌಂದರ್ಯವನ್ನು ಕಣ್ತುಂಬಿಕೊಳ್ಳಲು ರಾಜ್ಯದ ವಿವಿದೆಡೆಯಿಂದ ಮತ್ತು ಹೊರರಾಜ್ಯಗಳಿಂದ ಪ್ರವಾಸಿಗರ ದಂಡು ದೌಡಾಯಿಸುತ್ತಿದ್ದು, ಮಳೆಯ ಹಿತ ಅನುಭವವನ್ನು ಸವಿಯುತ್ತಿದ್ದಾರೆ. ಜಲಪಾತ ಧುಮ್ಮಿಕ್ಕಿ ಹರಿಯುತ್ತಿರುವುದು ಪ್ರವಾಸಿಗರಿಗೆ ಕಣ್ಣಿಗೆ ಹಬ್ಬವನ್ನುಂಟು ಮಾಡುತ್ತಿದೆ.

- Advertisement -

ಮಲೆನಾಡು ಟುಡೆ ವಾಟ್ಸಾಪ್ ಗ್ರೂಪ್ ಸೇರಲು ಇಲ್ಲಿ ಕ್ಲಿಕ್ ಮಾಡಿ

ಜೋಗದ ಸೌಂದರ್ಯಕ್ಕೆ ಕಾರಣವಾಗಿರುವ ಶರಾವತಿ ನದಿಯ ಪ್ರದೇಶದಲ್ಲಿ ಕಳೆದ 24 ಗಂಟೆಗಳಲ್ಲಿ 138.0 ಮಿ.ಮೀ. ಮಳೆ ಬಿದ್ದಿರುವುದು ಜಲಪಾತ ಹಾಗೂ ಲಿಂಗನಮಕ್ಕಿ ಡ್ಯಾಂನಲ್ಲಿ ನೀರಿನ ಹರಿವನ್ನು ಹೆಚ್ಚಿಸಿದೆ. ಈ ಹಿನ್ನೆಲೆಯಲ್ಲಿ ಹಾಲ್ನೋರೆಯ ಜಲಧಾರೆಯ ಜೊತೆಗೆ ಮಂಜಿನ ಕಣ್ಣಾಮುಚ್ಚಾಲೆಯ ಆಟವನ್ನು ಪ್ರವಾಸಿಗರು ಎಂಜಾಯ್ ಮಾಡುತ್ತಿದ್ದಾರೆ. ರಾಜ, ರಾಣಿ, ರೋರರ್ ಮತ್ತು ರಾಕೆಟ್ ಎಂಬ ನಾಲ್ಕು ವಿಭಿನ್ನ ವಿಭಾಗಗಳಲ್ಲಿ ಹರಿಯುವ ಜಲಪಾತದ ಭವ್ಯ ನೋಟವನ್ನು ಆಸ್ವಾದಿಸುತ್ತಿದ್ದಾರೆ.

jogfalls news today ಬೆಂಗಳೂರಿನಿಂದ ಜೋಗಕ್ಕೆ ಪ್ರಯಾಣಿಸುವ ಮಾರ್ಗ:

ಬೆಂಗಳೂರಿನಿಂದ ಜೋಗ ಜಲಪಾತಕ್ಕೆ ಪ್ರಯಾಣಿಸಲು ಹಲವು ಮಾರ್ಗಗಳಿವೆ, ಆದರೆ ಸಾಮಾನ್ಯವಾಗಿ ಬಳಸುವ ಮತ್ತು ಉತ್ತಮ ರಸ್ತೆಯುಳ್ಳ ಮಾರ್ಗವೆಂದರೆ: ಬೆಂಗಳೂರಿನಿಂದ ಶಿವಮೊಗ್ಗ (ಸುಮಾರು 270 ಕಿ.ಮೀ.) ತಲುಪಬೇಕು. ಶಿವಮೊಗ್ಗದಿಂದ ಸಾಗರ (ಸುಮಾರು 70 ಕಿ.ಮೀ.) ಮೂಲಕ ಹಾದು ಹೋಗಿ, ಅಲ್ಲಿಂದ ಜೋಗ (ಸುಮಾರು 30 ಕಿ.ಮೀ.) ತಲುಪಬಹುದು. ಒಟ್ಟಾರೆ, ಬೆಂಗಳೂರಿನಿಂದ ಜೋಗಕ್ಕೆ ಸುಮಾರು 370-400 ಕಿ.ಮೀ. ದೂರವಿದೆ. ಸಾರಿಗೆ ಬಸ್ಸುಗಳು, ಖಾಸಗಿ ವಾಹನಗಳು ಅಥವಾ ಬಾಡಿಗೆ ಕಾರುಗಳ ಮೂಲಕವೂ ಜೋಗವನ್ನು ತಲುಪಬಹುದು.