cleft lip surgery in shivmogga : ಸೀಳು ತುಟಿ ಸಮಸ್ಯೆಗೆ ಉಚಿತ ಶಸ್ತ್ರಚಿಕಿತ್ಸಾ ಶಿಬಿರ | ಎಲ್ಲಿ ಯಾಗಾಗ
ಜೂನ್ 21 ರಿಂದ 24 ರ ವರೆಗೆ ಶಿವಮೊಗ್ಗದ ಸುಬ್ಬಯ್ಯ ಇನ್ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್ನಲ್ಲಿ ಕರ್ನಾಟಕದ ಯುವಜನರಿಗೆ ಹಾಗೂ ಮಕ್ಕಳಿಗೆ ‘ಸ್ಮೈಲ್ ಪ್ಲೀಸ್’ ಎಂಬ ಉಚಿತ ಸಮಗ್ರ ಸೀಳುತುಟಿ ಹಾಗೂ ಶಸ್ತ್ರಚಿಕಿತ್ಸಾ ಶಿಬಿರವನ್ನು ಆಯೋಜಿಸಲಾಗಿದೆ ಎಂದು ಸುಬ್ಬಯ್ಯ ಕಾಲೇಜಿನ ಡೀನ್ ಡಾ|| ವಿನಾಯಕ ತಿಳಿಸಿದರು.
ಇಂದು ಪತ್ರಿಕಾ ಭವನದಲ್ಲಿ ಸುದ್ದಿಗೋಷ್ಟಿ ನಡೆಸಿ ಮಾತನಾಡಿದ ಅವರು ಈ ಶಸ್ತ್ರಚಿಕಿತ್ಸಾ ಶಿಬಿರವನ್ನು ಸುಬ್ಬಯ್ಯ ಇನ್ಸಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್, FROA ನೋಂದಾಯಿತ ವೈದ್ಯಕೀಯ ದತ್ತಿಸಂಸ್ಥೆಯಾದ ಮಿಷನ್ ಸ್ಟೈಲ್ ಸಹಯೋಗದೊಂದಿಗೆ ಮುತ್ತೂಟ್ ಪಪ್ಪಚನ್ ಫೌಂಡೇಶನ್ ಸಹಭಾಗಿತ್ವದಲ್ಲಿ. ಆಯೋಜಿಸಿದ್ದೇವೆ.ಮಿಷನ್ ಸ್ಟೈಲ್‌ನ ರಾಷ್ಟ್ರೀಯ ಕಾರ್ಯಕ್ರಮದ ಮುಖ್ಯಸ್ಥರಾದ ರಫಿಯುರ್ ರಹಮಾನ್, ಉಪ ವೈದ್ಯಕೀಯ ಅಧ್ಯಕ್ಷ ಡಾ!! ಕಮಲ್ ಪಾಂಡ್ಯನ್ ಮತ್ತು ಸುಬ್ಬಯ್ಯ ಇನ್ಸಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್‌ನ ಪ್ರಾಂಶುಪಾಲ ಡಾ!! ಬಿ.ಎನ್.ಸುರೇಶ್.ಅವರ ಉಪಸ್ಥಿತಿಯಲ್ಲಿ ಈ ಉದಾತ್ತ ಉಪಕ್ರಮದ ಘೋಷಣೆಯನ್ನು ಮಾಡಲಾಗಿದೆ. ಈಗಾಗಲೇ ಕರ್ನಾಟಕದಲ್ಲಿ ಕಳೆದ 7 ಸ್ಕೂಲ್ ಫೀಸ್ ಮಿಷನ್‌ಗಳಲ್ಲಿ ಕರ್ನಾಟಕದ 416 ಮಕ್ಕಳು ಮತ್ತು ಯುವಕರು ಈ ಕಾರ್ಯಕ್ರಮದ ಮೂಲಕ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಾರೆ. ಇದು ಶಿವಮೊಗ್ಗದಲ್ಲಿ 8 ನೇ ಸ್ಮ್ಲೈಲ್ ಪ್ಲೀಸ್ ಮಿಷನ್ ಆಗಿದ್ದು, ಶಿವಮೊಗ್ಗದಲ್ಲಿ ಈ ಶಸ್ತ್ರಚಿಕಿತ್ಸೆಯನ್ನು ಮೊದಲ ಬಾರಿಗೆ ಆಯೋಜಿಸುತ್ತಿದ್ದೇವೆ ಎಂದರು.
cleft lip surgery in shivmogga : 4 ದಿನಗಳ ಕಾಲ ನಡೆಯುವ ಈ ಶಸ್ತ್ರಚಿಕಿತ್ಸೆಯಲ್ಲಿ 60 ರಿಂದ 80 ಮಕ್ಕಳಿಗೆ ಉಚಿತವಾಗಿ ಶಸ್ತ್ರಚಿಕಿತ್ಸೆ ಮಾಡಬೇಕು ಎಂದುಕೊಂಡಿದ್ದೇವೆ. ಶಸ್ತ್ರಚಿಕಿತ್ಸೆಗೆ ಒಳಪಡುವವರಿಗೆ ಉಚಿತ ವೈದ್ಯರ ಸಲಹೆ, ಉಚಿತ ಔಷಧ ಮತ್ತು ಚಿಕಿತ್ಸೆ, ಉಚಿತ ಆಹಾರ ಮತ್ತು ವಸತಿ ವ್ಯವಸ್ಥೆ ಹಾಗೂ ಪ್ರಯಾಣದ ವೆಚ್ಚವನ್ನು ಸಹ ಸಂಸ್ಥೆಯ ವತಿಯಿಂದ ಬರಿಸಲಾಗುವುದು ಎಂದು ವಿವರಿಸಿದರು.
cleft lip surgery in shivmogga : ಮಿಷನ್ ಸ್ಟೈಲ್ ಸಹಭಾಗಿತ್ವದಲ್ಲಿ 2014ರಲ್ಲಿ ಕೇರಳದಿಂದ ಪ್ರಾರಂಭವಾದ ಈ ಉಪಕ್ರಮವು 13 ರಾಜ್ಯಗಳು ಸೇರಿ ಇಲ್ಲಿಯವರೆಗೆ ದೇಶಾದ್ಯಂತ 3301 ಯಶಸ್ವಿ ಶಸ್ತ್ರಚಿಕಿತ್ಸೆಗಳನ್ನು ಸಾಧಿಸಿದೆ. ಮಿಷನ್ ಸ್ಟೈಲ್ ಪ್ರಾರಂಭವಾದಾಗಿನಿಂದ ಭಾರತದಾದ್ಯಂತ ಒಟ್ಟಾರೆ 49 ಸಾವಿರಕ್ಕಿಂತ ಅಧಿಕ ಉಚಿತ ಸೀಳು ಶಸ್ತ್ರಚಿಕಿತ್ಸೆಗಳನ್ನು ಮತ್ತು 73 ಸಾವಿರ ವೈದ್ಯಕೀಯ ಮೌಲ್ಯಮಾಪನವನ್ನು ನಡೆಸಿದೆ ಮತ್ತು ಕರ್ನಾಟಕದಲ್ಲಿ ಮಿಷನ್ ಸ್ಟೈಲ್ ಮೂಲಕ 600+ ರೋಗಿಗಳು ಉಚಿತ ಶಸ್ತ್ರಚಿಕಿತ್ಸೆಗಳನ್ನು ಪಡೆದಿದ್ದಾರೆ. ಜೂನ್ 21ರಿಂದ ನಡೆಯುವ ಈ ಶಸ್ತ್ರಚಿಕಿತ್ಸೆಯ ಅವಶ್ಯಕತೆ ಇದ್ದವರು ಪಾಲ್ಗೊಂಡು ಇದನ್ನು ಸದುಪಯೋಗ ಪಡಿಸಿಕೊಳ್ಳಬೇಕೆಂದು ಕೋರಿದರು.
