ಎಲೆಕ್ಟ್ರಿಕ್‌ ಕಾರು ಬ್ಯಾಟರಿ ಫಾಲ್ಟ್‌ | ದೂರುದಾರರಿಗೆ ಪರಿಹಾರ ನೀಡುವಂತೆ ಸೂಚಿಸಿದ ಆಯೋಗ

SHIVAMOGGA | MALENADUTODAY NEWS | ಮಲೆನಾಡು ಟುಡೆ  Feb 4, 2025 ‌‌ 

ಎಲೆಕ್ಟ್ರಿಕ್‌ ಕಾರು ಬ್ಯಾಟರಿ ಫಾಲ್ಟ್‌ ಸಂಬಂಧಿಸಿದ ದೂರನ್ನ ಸಮಪರ್ಕವಾಗಿ ಇತ್ಯರ್ಥ ಪಡಿಸದ ಹಿನ್ನೆಲೆಯಲ್ಲಿ ಶಿವಮೊಗ್ಗ ಜಿಲ್ಲಾ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗ ಕಾರನ್ನು ಖರೀದಿಸಿದ ಸಂಸ್ಥೆಗೆ ಪರಿಹಾರ ನೀಡುವಂತೆ ಸೂಚಿಸಿದೆ. 

ಏನಿದು ಪ್ರಕರಣ

ಶಿವಮೊಗ್ಗದ ಗ್ರಾಹಕರೊಬ್ಬರು 2023 ರಲ್ಲಿ ಶಿವಮೊಗ್ಗ ನಗರದ ಮೋಟಾರ್ಸ್‌ ಕಂಪನಿಯೊಂದರಲ್ಲಿ ಇವಿ ಕಾರನ್ನು 10,35,497/- ಪಾವತಿಸಿ ಖರೀದಿಸಿದ್ದರು. ಜೊತೆಯಲ್ಲಿ ₹8,700 ರೂಪಾಯಿ ಕಟ್ಟಿ 3 ವರ್ಷಗಳ ಇ-ಶೀಲ್ಡ್ ಮೈನ್ಟೇನೆನ್ಸ್ ಪ್ಲಾನ್‌ನ್ನು ಪಡೆದಿದ್ದರು. 

ಈ ನಡುವೆ ಕಾರು ಖರಿದೀಸಿ 15 ದಿನಗಳಲ್ಲೇ ಅದರ ಬ್ಯಾಟರಿ ಡೌನ್‌ ಆಗಿರುವುದು ಗ್ರಾಹಕರ ಗಮನಕ್ಕೆ ಬಂದಿದೆ. ಈ ನಿಟ್ಟಿನಲ್ಲಿ ಕಂಪ್ಲೆಂಟ್‌ ಮಾಡಿದ ಬೆನ್ನಲ್ಲೆ ಮೋಟಾರ್ಸ್‌ ಕಂಪನಿ ಹೊಸ ಬ್ಯಾಟರಿ ನೀಡಿದೆ. ಆದರೆ ಆರು ತಿಂಗಳಿನಲ್ಲಿ ಮತ್ತೆ ಬ್ಯಾಟರಿ ಕಂಪ್ಲೆಂಟ್‌ ಶುರುವಾಗಿದೆ. ಆದರೆ ಈ ಸಲ ಸಮಸ್ಯೆಯನ್ನು ಕಂಪನಿಯವರು ಸರಿಪಡಿಸಿ ನೀಡಲಿಲ್ಲ. ಪದೇ ಪದೇ ದೂರು ಕೊಟ್ಟರೂ ಸಮಸ್ಯೆ ಸರಿಪಡಿಸಿಲ್ಲ ಎಂದು ಆರೋಪಿಸಿ ಗ್ರಾಹಕರು ಸೂಕ್ತ ಪರಿಹಾರ ಕೋರಿ ಶಿವಮೊಗ್ಗ ಜಿಲ್ಲಾ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗದಲ್ಲಿ ಪ್ರಕರಣ ದಾಖಲಿಸಿದ್ದರು. 

ಇದರ ವಿಚಾರಣೆ ಡನೆಸಿದ ಆಯೋಗವು ಪ್ರಕರಣದ ಅಂಶಗಳು ಮತ್ತು ಅರ್ಜಿದಾರರು ಹಾಜರುಪಡಿಸಿದ ದಾಖಲೆಗಳನ್ನು ಪರಿಗಣಿಸಿ, ಎದುರುದಾರರಿಗೆ ಆಯೋಗವು ನೋಟೀಸ್ ನೀಡಿತ್ತು. ಈ ವೇಳೆ ಸಂಬಂಧಿಸಿದ ಕಂಪನಿ ದೂರುದಾರರು ಕಾರನ್ನು ಮ್ಯಾನುವಲ್ ಪ್ರಕಾರ ಸರಿಯಾದ ರೀತಿಯಲ್ಲಿ ಚಲಾಯಿಸದೇ ಇರುವುದರಿಂದ ಈ ಸಮಸ್ಯೆಯುಂಟಾಗಿರುತ್ತದೆ ಹಾಗೂ ಇದು ತಯಾರಿಕಾ ದೋಷವಲ್ಲವೆಂದು ಮತ್ತು ಕಾರನ್ನು 10000 ಕ್ಕೂ ಹೆಚ್ಚು ಕಿ.ಮಿ. ಚಲಾಯಿಸಿರುವುದರಿಂದ ಹೊಸ ಕಾರನ್ನು ನೀಡಲು ಬರುವುದಿಲ್ಲ. ತಮ್ಮ ಕಡೆಯಿಂದ ಯಾವುದೇ ಸೇವಾ ನ್ಯೂನ್ಯತೆಯಾಗಿರುವುದಿಲ್ಲ ಎಂದು ಸ್ಪಷ್ಟಪಡಿಸಿತ್ತು./ 

ಇನ್ನೂ  ಅರ್ಜಿದಾರರು ಮತ್ತು ಎದುರುದಾರರು ಸಲ್ಲಿಸಿರುವ ಪ್ರಮಾಣ ಪತ್ರ, ದಾಖಲೆಗಳನ್ನು ಮತ್ತು ಉಭಯ ಪಕ್ಷಗಾರರ ವಕೀಲರ ವಾದವನ್ನು ಆಲಿಸಿ, ಬ್ಯಾಟರಿಯಲ್ಲಿ ಲೋಪವಿರುವುದು ಮತ್ತು ಹಲವಾರು ಬಾರಿ ಕಾರನ್ನು ಸರಿಯಾದ ರೀತಿಯಲ್ಲಿ ರಿಪೇರಿ ಮಾಡಿಕೊಡದೇ ಇರುವುದು ಎದುರುದಾರರು ಸೇವಾ ನ್ಯೂನತೆ ಎಸಗಿರುದನ್ನು ಪರಿಗಣಿಸಿದ ಆಯೋಗವೂ, ಕಂಪನಿ ತಮ್ಮದೇ ಖರ್ಚಿನಲ್ಲಿ ದೋಷಮುಕ್ತ ಬ್ಯಾಟರಿಯನ್ನು ಆಯೋಗ ಆದೇಶದ ದಿನಾಂಕದಿಂದ 45 ದಿನಗಳೊಳಗಾಗಿ ಬದಲಿಸಿಕೊಡಬೇಕು ಎಂದು ಸೂಚಿಸಿದೆ. ಅಲ್ಲದೆ ರೂ. 25,000/-ಗಳನ್ನು ಮಾನಸಿಕ ಹಿಂಸೆಗಾಗಿ ಮತ್ತು ರೂ. 10,000 ಗಳನ್ನು ವ್ಯಾಜ್ಯದ ಖರ್ಚು ವೆಚ್ಚದ ಬಾಬ್ತಾಗಿ ನೀಡುವಂತೆ ಜಿಲ್ಲಾ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗದ ಅಧ್ಯಕ್ಷ ಟಿ. ಶಿವಣ್ಣ, ಸದಸ್ಯರಾದ ಸವಿತಾ ಬಿ ಪಟ್ಟಣಶೆಟ್ಟಿ ಮತ್ತು ಬಿ.ಡಿ.ಯೋಗಾನಂದ ಭಾಂಡ್ಯ ಇವರ ಪೀಠವು ಆದೇಶಿಸಿದೆ.

SUMMARY |  Shivamogga District Consumer Disputes Redressal Commission has directed the company   to provide compensation after a complaint related to an electric car battery fault was not adequately resolved.

KEY WORDS | Shivamogga District Consumer Disputes Redressal Commission, compensation related to an electric car battery fault