ಹೆಣ್ಣುಮಕ್ಕಳ ರಕ್ಷಣೆಗಾಗಿ ರೈಲ್ವೇ ಇಲಾಖೆ ಜಾರಿಗೆ ತಂದಿರವ ಕಾನೂನುಗಳ ಬಗ್ಗೆ ನಿಮಗೆಷ್ಟು ಗೊತ್ತು

shiAMOGGA | MALENADUTODAY NEWS | ಮಲೆನಾಡು ಟುಡೆ |‌ Jan 23, 2025 ‌

ಭಾರತದಲ್ಲಿ ಪ್ರತಿ ವರ್ಷ ಜನವರಿ 24 ರಂದು ರಾಷ್ಟ್ರೀಯ ಹೆಣ್ಣುಮಕ್ಕಳ ದಿನವನ್ನು ಆಚರಿಸಲಾಗುತ್ತದೆ. ಇದನ್ನು 2008 ರಲ್ಲಿ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವಾಲಯ ಮತ್ತು ಭಾರತ ಸರ್ಕಾರವು ಭಾರತೀಯ ಸಮಾಜದಲ್ಲಿ ಹುಡುಗಿಯರು ಎದುರಿಸುತ್ತಿರುವ ಅಸಮಾನತೆಗಳ ಬಗ್ಗೆ ಸಾರ್ವಜನಿಕ ಜಾಗೃತಿಯನ್ನು ಮೂಡಿಸಲು ಪ್ರಾರಂಭಿಸಿತು. ಇದರ ನಡುವೆ ರೈಲ್ವೆ ರಕ್ಷಣಾ ಪಡೆಯು ಸಹ ಹೆಣ್ಣುಮಕ್ಕಳು ಹಾಗೂ ಮಕ್ಕಳನ್ನು ರಕ್ಷಿಸುವ ನಿಟ್ಟಿನಲ್ಲಿ ಅನೇಕ ಕಠಿಣ ಕಾನೂನನ್ನು ಜಾರಿಗೆ ತಂದಿದೆ. ಆ ಕಾನೂನುಗಳು ಯಾವುವು ಆ ಕಾನೂನುಗಳಿಂದ ಹೆಣ್ಣು ಮಕ್ಕಳಿಗೆ ಯಾವ ರೀತಿ ರಕ್ಷಣೆ ಸಿಗುತ್ತದೆ ಎಂಬುದನ್ನು ತಿಳಿದುಕೊಳ್ಳೂಣ ಬನ್ನಿ 

ರೈಲ್ವೇ ರಕ್ಷಣಾ ಪಡೆಯು ಹೆಣ್ಣು ರಕ್ಷಣೆಗಾಗಿ ತಂದಿರುವ ಕಾನೂನುಗಳು ಯಾವುವು

ರೈಲ್ವೆ ರಕ್ಷಣಾ ಪಡೆ ತನ್ನ ಎಲ್ಲಾ ಪ್ರಯಾಣಿಕರ ಸುರಕ್ಷತೆಗೆ ತನ್ನ ಅಚಲ ಬದ್ಧತೆಯಲ್ಲಿ ಹಲವಾರು ಕ್ರಮಗಳನ್ನು ರೂಪಿಸಿದೆ, ಪ್ರತಿಯೊಂದೂ ಯುವತಿಯರು ರೈಲಿನಲ್ಲಿ ಪ್ರಯಾಣಿಸುವಾಗ ಅವರ  ಪ್ರಯಾಣ ಸುರಕ್ಷತೆ, ಘನತೆ ಮತ್ತು ಭಯವಿಲ್ಲದೆ ಒಡಾಡುವುದನ್ನು  ಖಚಿತಪಡಿಸಿಕೊಳ್ಳುವ ಉದ್ದೇಶದಿಂದ ಈ ರೈಲ್ವೆ ರಕ್ಷಣಾ ಪಡೆಯನ್ನು ಸ್ಥಾಪಿಸಲಾಗಿದೆ. ರೈಲ್ವೆ ರಕ್ಷಣಾ ಪಡೆ ಒಳಗೊಂಡ ಕೆಲವೊಂದು ಅಂಶಗಳು ಇಂತಿವೆ . 

ರೈಲ್ವೆ ರಕ್ಷಣಾ ಪಡೆಯ ಸಹಾಯವಾಣಿ ಕೇಂದ್ರಗಳು

ಪ್ರಮುಖ ರೈಲ್ವೆ ನಿಲ್ದಾಣಗಳಲ್ಲಿ,ರೈಲ್ವೆ ರಕ್ಷಣಾ ಪಡೆ ಸಹಾಯವಾಣಿ ಕೇಂದ್ರವನ್ನು ಸ್ಥಾಪಿಸಿದೆ. ಹಾಗೆಯೇ ಅದನ್ನು ವಿಚಾರಿಸಲು ಪ್ರತ್ಯೇಕ ಸಿಬ್ಬಂದಿಗಳನ್ನು ಸಹ ನೇಮಿಸಲಾಗಿದೆ. ಈ ಸಹಾಯವಾಣಿ ಕೇಂದ್ರಗಳು ತೊಂದರೆಯಲ್ಲಿರುವ ಹುಡುಗಿಯರಿಗೆ ತಕ್ಷಣ ಸಹಾಯವನ್ನು ಒದಗಿಸುತ್ತದೆ. ಅವರು ಸಂಚರಿಸುತ್ತಿರುವ ಮಾರ್ಗವನ್ನು ತಿಳಿದುಕೊಂಡು.  ಆ ಸಂದರರ್ಭದಲ್ಲಿ ಬೇಕಾದ ಸಹಾಯವನ್ನು ಮಾಡುತ್ತದೆ. ತೊಂದರೆಗೊಳಗಾದ ಪ್ರಯಾಣಿಕರು ತಮ್ಮ ಕುಂದುಕೊರತೆಗಳನ್ನು ವರದಿ ಮಾಡಲು ಭದ್ರತಾ ಸಹಾಯವಾಣಿ ಸಂಖ್ಯೆ 139 ಮೂಲಕ ರೈಲ್ವೆ ರಕ್ಷಣಾ ಪಡೆಯನ್ನು ಸಂಪರ್ಕಿಸಬಹುದು. ಆಗ ರೈಲ್ವೇ ರಕ್ಷಣಾ ಪಡೆಯ ಸಿಬ್ಬಂದಿಗಳು ತಕ್ಷಣ ಕರೆಗಳನ್ನು ಸ್ವೀಕರಿಸಿ ಸಹಾಯಕ್ಕೆ ಹಾಜರಾಗುತ್ತಾರೆ.

ರೈಲ್ವೆ ರಕ್ಷಣಾ ಪಡೆ ಜಾಗೃತಿ ಕಾರ್ಯಕ್ರಮಗಳು ಹೆಣ್ಣು ಮಕ್ಕಳ ಸುರಕ್ಷತೆ ಮತ್ತು ಹಕ್ಕುಗಳ ಬಗ್ಗೆ ಜಾಗೃತಿ ಮೂಡಿಸಲು  ವ್ಯಾಪಕವಾದ ಸಮುದಾಯ ಸಂಪರ್ಕ ಕಾರ್ಯಕ್ರಮಗಳನ್ನು ನಡೆಸುತ್ತದೆ. ಶಾಲೆಗಳು ಮತ್ತು ಸಮುದಾಯ ಕೇಂದ್ರಗಳಲ್ಲಿ ಕಾರ್ಯಾಗಾರಗಳು ಮತ್ತು ವಿಚಾರ ಸಂಕಿರಣಗಳ ಮೂಲಕ, ಅವರು ಶೋಷಣೆ ಮತ್ತು ದೌರ್ಜನ್ಯವನ್ನು ತಡೆಗಟ್ಟುವ ಬಗ್ಗೆ ಪೋಷಕರು ಮತ್ತು ಮಕ್ಕಳಿಗೆ ಶಿಕ್ಷಣ ನೀಡುತ್ತಾರೆ.ಹಾಗೆಯೇ ಮಕ್ಕಳಿಗೆ ತೊಂದರೆ ಉಂಟಾದರೆ ಮಕ್ಕಳ ಸಹಾಯವಾಣಿ ಸಂಖ್ಯೆ 1098 ಅನ್ನು ನಿಲ್ದಾಣಗಳಲ್ಲಿ ಪ್ರಮುಖವಾಗಿ ಪ್ರದರ್ಶಿಸಲಾಗುತ್ತದೆ. 

ಆಪರೇಷನ್ ನನ್ಹೆ ಫರಿಷ್ಟೆ

ಆಪರೇಷನ್ ನನ್ಹೆ ಫರಿಷ್ಟೆ’ ಎಂಬುದು  ಮಕ್ಕಳನ್ನು ರಕ್ಷಿಸಲು ರೈಲ್ವೆ ರಕ್ಷಣಾ ಪಡೆಯ ಮತ್ತೊಂದು ಕಾನೂನಾಗಿದೆ. ಈ ಆಪರೇಷನ್‌ ನನ್ಹೆ ಫರಿಷ್ಟೆ ಇದುವರಗೆ   ಸಾವಿರಾರು ಮಕ್ಕಳನ್ನು ಸಂಭಾವ್ಯ ಹಾನಿಯಿಂದ ರಕ್ಷಿಸಿದೆ, . 2024 ರಲ್ಲಿ, ಭಾರತೀಯ ರೈಲ್ವೆಯಲ್ಲಿ ಆಪರೇಷನ್ ನನ್ಹೆ ಫರಿಸ್ಟೆ ಮೂಲಕ ರೈಲ್ವೆ ರಕ್ಷಣಾ ಪಡೆ  4472 ಹೆಣ್ಣು ಮಕ್ಕಳನ್ನು ಒಳಗೊಂಡಂತೆ ಇದುವರೆಗೆ ಒಟ್ಟು15703 ಮಕ್ಕಳನ್ನು ರಕ್ಷಿಸಿದೆ.

ಮೇರಿ ಸಹೇಲಿ ಉಪಕ್ರಮ

ಮೇರಿ ಸಹೇಲಿ ಉಪಕ್ರಮವು ರೈಲ್ವೆ ರಕ್ಷಣಾ ಪಡೆಯ ನಿರ್ವಹಿಸುವ ಮತ್ತೊಂದು ಜವಬ್ದಾರಿಯಾಗಿದೆ. ಈ  ‘ಮೇರಿ ಸಹೇಲಿ’ ಉಪಕ್ರಮವು ಅವರ ಸಂಪೂರ್ಣ ರೈಲು ಪ್ರಯಾಣದ ಸಮಯದಲ್ಲಿ ಹುಡುಗಿಯರು ಸೇರಿದಂತೆ ಮಹಿಳಾ ಪ್ರಯಾಣಿಕರ ಸುರಕ್ಷತೆಯ ಮೇಲೆ ಕೇಂದ್ರೀಕರಿಸುತ್ತದೆ. ರೈಲ್ವೆ ರಕ್ಷಣಾ ಪಡೆಯ ಮಹಿಳಾ ಸಿಬ್ಬಂದಿಗಳ ತಂಡವು ಮಹಿಳಾ ಪ್ರಯಾಣಿಕರೊಂದಿಗೆ ಸಂವಹನ ನಡೆಸುತ್ತವೆ, ಈ ತಂಡವು ಮಹಿಳಾ ಪ್ರಯಾಣಿಕರು ರೈಲನ್ನು ಹತ್ತಿರುವ ಸ್ಥಳದಿಂದ ನಿಲ್ದಾಣದಿಂದ ಅವರು ಇಳಿದು ಹೋಗುವ ಸ್ಥಳದವರೆಗೂ  ಅವರ ಭದ್ರತೆಯನ್ನು ನೋಡಿಕೊಳ್ಳುತ್ತಾರೆ.  ಪ್ರಸ್ತುತ, ಭಾರತೀಯ ರೈಲ್ವೆಯಲ್ಲಿ  600 ಕ್ಕೂ ಹೆಚ್ಚು ರೈಲುಗಳಲ್ಲಿ 250 ಮೇರಿ ಸಹೇಲಿ ತಂಡಗಳನ್ನು ನಿಯೋಜಿಸಲಾಗಿದೆ. 2024 ರ ವರ್ಷದಲ್ಲಿ,  46,64,906 ಒಂಟಿಯಾಗಿ ಪ್ರಯಾಣಿಸುವ ಮಹಿಳಾ ಪ್ರಯಾಣಿಕರನ್ನು ಆರ್‌ಪಿಎಫ್ ಮೇರಿ ಸಹೇಲಿ ತಂಡವು ಸುರಕ್ಷಿತ ಪ್ರಯಾಣವನ್ನು ಖಚಿತಪಡಿಸಿಕೊಳ್ಳಲು ಭಾಗವಹಿಸಿತ್ತು.

ಬೇಟಿ ಬಚಾವೋ, ಬೇಟಿ ಪಡಾವೋ ಅಭಿಯಾನ

ಪ್ರಧಾನ ಮಂತ್ರಿಗಳ ದೃಷ್ಟಿಕೋನವನ್ನು ಮುಂದಕ್ಕೆ ತೆಗೆದುಕೊಂಡು ಹೋಗುವ ನಿಟ್ಟಿನಲ್ಲಿ  ರೈಲ್ವೆ ರಕ್ಷಣಾ ಪಡೆಯ ‘ಬೇಟಿ ಬಚಾವೋ, ಬೇಟಿ ಪಡಾವೋ’ ಅಭಿಯಾನದಲ್ಲಿ ಸಕ್ರಿಯವಾಗಿ ಭಾಗವಹಿಸುತ್ತದೆ, ಇದು ಹೆಣ್ಣು ಮಗುವಿನ ಉಳಿವು, ರಕ್ಷಣೆ ಮತ್ತು ಶಿಕ್ಷಣವನ್ನು ಉತ್ತೇಜಿಸುತ್ತದೆ. ವಿವಿಧ ಪಾಲುದಾರರೊಂದಿಗೆ ಸಹಯೋಗದೊಂದಿಗೆ, ರೈಲ್ವೆ ರಕ್ಷಣಾ ಪಡೆಯ  ಲಿಂಗ ತಾರತಮ್ಯವನ್ನು ನಿರ್ಮೂಲನೆ ಮಾಡಲು ಮತ್ತು ಹುಡುಗಿಯರು ಶಿಕ್ಷಣ ಮತ್ತು ವೃತ್ತಿ ಅವಕಾಶಗಳನ್ನು ಪಡೆಯಲು ಸಬಲೀಕರಣಗೊಳಿಸಲು ಶ್ರಮಿಸುತ್ತದೆ.

ಮಾನವ ಕಳ್ಳಸಾಗಣೆ ವಿರೋಧಿ ಘಟಕಗಳು 

ರೈಲ್ವೆ ರಕ್ಷಣಾ ಪಎಯು  ಮಾನವ ಕಳ್ಳಸಾಗಣೆ ಭೀತಿಯನ್ನು ಗುರುತಿಸಿ,  ಪ್ರಮುಖ ರೈಲ್ವೆ ನಿಲ್ದಾಣಗಳಲ್ಲಿ ಮಾನವ ಕಳ್ಳಸಾಗಣೆ ವಿರೋಧಿ ಘಟಕಗಳನ್ನು ಸ್ಥಾಪಿಸಿದೆ. ಈ ಘಟಕಗಳು ಸರ್ಕಾರಿ ರೈಲ್ವೆ ಪೊಲೀಸ್ ( ಸ್ಥಳೀಯ ಪೊಲೀಸ್, ಗುಪ್ತಚರ ಸಂಸ್ಥೆಗಳು, ಎನ್‌ಜಿಒಗಳು ಮತ್ತು ಮಕ್ಕಳ ಕಲ್ಯಾಣ ಸಮಿತಿಗಳೊಂದಿಗೆ (ಸಿಡಬ್ಲ್ಯೂಸಿ) ಸಾಗಣೆ ಚಟುವಟಿಕೆಗಳನ್ನು ತಡೆಯಲು ಕಾರ್ಯನಿರ್ವಹಿಸುತ್ತವೆ. ಭಾರತೀಯ ರೈಲ್ವೆಯ ಮೇಲೆ ಕಾರ್ಯನಿರ್ವಹಿಸುತ್ತಿರುವ ರೈಲ್ವೆ ರಕ್ಷಣಾ ಪಡೆಯ ಒಟ್ಟು 153 ಮಾನವ ಕಳ್ಳಸಾಗಣೆ ವಿರೋಧಿ ಘಟಕಗಳು.  2024 ರಲ್ಲಿ  99 ಹೆಣ್ಣು ಮಕ್ಕಳು ಸೇರಿದಂತೆ ಒಟ್ಟು 1511 ಸಂತ್ರಸ್ತರನ್ನು ರಕ್ಷಿಸಿತು ಹಾಗೆಯೇ ಈ ಪ್ರಕರನದಲ್ಲಿ ಭಾಗಿಯಾಗಿದ್ದ 456 ಕಳ್ಳಸಾಗಣೆದಾರರನ್ನು ಬಂಧಿಸಲಾಯಿತು.

SUMMARY | The Railway Protection Force has also enacted several stringent laws to protect girls and children.

KEYWORDS | Railway Protection Force, protect, girls and children,