ಕುತಂತ್ರ ನಡೆಸಿದರು ಸಹ ಷೇರುದಾರರು ಸಹಕಾರ ಭಾರತಿಯ ಕೈ ಬಿಡಲಿಲ್ಲ 

SHIVAMOGGA | MALENADUTODAY NEWS | ಮಲೆನಾಡು ಟುಡೆ |‌ Feb 5, 2025 ‌

ಶಿವಮೊಗ್ಗ | ವಿರೋಧಿಗಳ ಕುತಂತ್ರದ ನಡುವೆಯೂ ಸಹ ಮ್ಯಾಮ್‌ಕೋಸ್‌ ಚುನಾವಣೆಯಲ್ಲಿ ನಮ್ಮ ಸಹಕಾರ ಭಾರತಿ ತಂಡ 19 ಕ್ಕೆ 19 ಸ್ಥಾನವನ್ನು ಗೆದ್ದುಕೊಂಡಿದೆ ಎಂದು ಮಹೇಶ್‌ ಹುಲ್ಕಳಿ ಹೇಳಿದರು.

ಇಂದು ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು ಚುನಾವಣೆ ಸಂದರ್ಭದಲ್ಲಿ ನಮ್ಮ ಪ್ರತಿಸ್ಪರ್ಧಿಗಳಾದ ರಾಷ್ಟ್ರೀಯ ಸಹಕಾರ  ಪ್ರತಿಷ್ಠಾನದ ಅಭ್ಯರ್ಥಿಗಳು ಷೇರುದಾರರ ದಿಕ್ಕು ತಪ್ಪಿಸುವ ಅನೇಕ ಕೆಲಸಗಳನ್ನು ಮಾಡಿದ್ದಾರೆ. ಸಹಕಾರಿ ಭಾರತಿ ಕರಪತ್ರದಲ್ಲಿ ಅವರ ಸದಸ್ಯರ ಹೆಸರು ಹಾಗೂ ಚಿನ್ಹೆಗಳನ್ನು ನಮೂದಿಸಿ ಷೇರುದಾರರ ದಿಕ್ಕು ತಪ್ಪಿಸುವ ಕೆಲಸವನ್ನು ಮಾಡಿದ್ದಾರೆ. ಆದರೆ ನಮ್ಮ ಷೇರುದಾರರ  ನಮ್ಮ ಕೈಬಿಡದೆ ನಮ್ಮ ಸಂಸ್ಥೆಯ ಸದಸ್ಯರನ್ನು ಗೆಲ್ಲಸಿದ್ದಾರೆ ಎಂದರು.

ನಮ್ಮ ಸಹಕಾರಿ ಭಾರತಿಯು ಒಟ್ಟು 7395 ಸರಾರಸರಿ ಮತವನ್ನು ಪಡೆದರೆ   ರಾಷ್ಟ್ರೀಯ ಸಹಕಾರ ಪ್ರತಿಷ್ಠಾನ 2993 ಮತಗಳನ್ನು ಪಡೆದಿದ್ದಾರೆ. 2005 ರಿಂದ 2025 ವರೆಗೆ ಸಹಕಾರಿ ಭಾರತಿ ಮ್ಯಾಮ್‌ಕೋಸ್‌ನಲ್ಲಿ ಸಂಪೂರ್ಣ ಹಿಡಿತವನ್ನು ಸಾಧಿಸಿದೆ. 2005 ರಲ್ಲಿ ಮೊದಲ ಬಾರಿಗೆ 19 ರಲ್ಲಿ 15 ಸ್ಥಾನಗಳನ್ನು ಗೆದ್ದಿದ್ದೆವು. ಆದರೆ 2009 ರ ನಂತರ 19 ಕ್ಕೆ 19 ಸ್ಥಾನಗಳನ್ನು ಗೆದ್ದುಕೊಂಡು ಬಂದಿದ್ದೇವೆ. ಕೆಲವೆಡೆ ಮ್ಯಾಮ್‌ಕೋಸ್‌ನಲ್ಲಿ ರೈತರಿಂದ ಪಡೆದ ಅಡಿಕೆಯನ್ನು ಕೆಲವು ಕಾರಣಗಳಿಂದ ವಾಪಸ್‌ ಕಳುಹಿಸುತ್ತಾರೆ ಎಂದ ಊಹಾಪೂಹಗಳಿವೆ. ಅದೆಲ್ಲ ಸಂಸ್ಥೆಯ ಹೆಸರನ್ನು ಹಾಳುಮಾಡಲು ಕಿಡಿಗೇಡಿಗಳು ಮಾಡುತ್ತಿರುವ ತಂತ್ರವಷ್ಟೇ ಎಂದರು.

SUMMARY | Our Sahakara Bharati team won 19 out of 19 seats in the MAMCOS elections despite the machinations of the opponents,” said Mahesh Hulkali.

KEYWORDS | Sahakara Bharati, MAMCOS, Mahesh Hulkali,