Chatpat news today : ಶಿವಮೊಗ್ಗ: ನಿಷೇಧಿತ ಪಿಎಫ್‌ಐ (PFI) ಜಿಲ್ಲಾಧ್ಯಕ್ಷ ಶಾಹೀದ್ ಖಾನ್ ಅವರನ್ನು ಬೆಂಗಳೂರಿನ ಪರಪ್ಪನ ಅಗ್ರಹಾರ ಜೈಲಿನಿಂದ ಪೊಲೀಸ್ ಬಿಗಿ ಭದ್ರತೆಯಲ್ಲಿ ಇಂದು (ಜುಲೈ 11, 2025) ಬೆಳಗ್ಗೆ 4 ಗಂಟೆಗೆ ಶಿವಮೊಗ್ಗಕ್ಕೆ ಕರೆತರಲಾಯಿತು.
ಅವರ ತಂದೆ, 80 ವರ್ಷದ ಅನ್ವರ್ ಖಾನ್ ಕ್ಯಾನ್ಸರ್‌ನಿಂದ ಬಳಲುತ್ತಿದ್ದು, ಮೊನ್ನೆ ನಿಧನರಾಗಿದ್ದರು. ತಂದೆಯ ಆರೈಕೆದಾರರಾಗಿದ್ದ ಶಾಹೀದ್ ಖಾನ್‌ಗೆ ಅಂತಿಮ ದರ್ಶನಕ್ಕೆ ಅನುವು ಮಾಡಿಕೊಡಲು ಈ ವ್ಯವಸ್ಥೆ ಮಾಡಲಾಗಿತ್ತು.
Chatpat news today ಮೆಗ್ಗಾನ್‌ನಲ್ಲಿ ನೀರಿನ ಕೊರತೆ: ಹೆರಿಗೆ OT ಬಂದ್, ಎಂಎಲ್‌ಸಿ ಅರುಣ್ ಅಸಮಾಧಾನ
ಶಿವಮೊಗ್ಗ: ಮೆಗ್ಗಾನ್ ಆಸ್ಪತ್ರೆಯ ಹೆರಿಗೆ ವಾರ್ಡ್‌ನಲ್ಲಿ ತೀವ್ರ ನೀರಿನ ಅಭಾವದಿಂದಾಗಿ ಇಂದು (ಜುಲೈ 10, 2025) ಆಪರೇಷನ್ ಥಿಯೇಟರ್ ಬಂದ್ ಮಾಡಲಾಗಿದೆ.
ಕಳೆದ ಎರಡು ದಿನಗಳಿಂದ ನೀರಿನ ಸಮಸ್ಯೆ ಎದುರಾಗಿತ್ತು. ಎಂಎಲ್‌ಸಿ ಡಿ.ಎಸ್. ಅರುಣ್ ಸ್ಥಳಕ್ಕೆ ಭೇಟಿ ನೀಡಿ ಅಧಿಕಾರಿಗಳು ಹಾಗೂ ಗುತ್ತಿಗೆದಾರರನ್ನು ತರಾಟೆಗೆ ತೆಗೆದುಕೊಂಡರು. ನೀರಿನ ಸಮಸ್ಯೆಗೆ ತಾತ್ಕಾಲಿಕ ವ್ಯವಸ್ಥೆಯನ್ನೂ ಮಾಡದಿರುವ ಬಗ್ಗೆ ಅವರು ಬೇಸರ ವ್ಯಕ್ತಪಡಿಸಿದರು, ಇದರಿಂದ ಹಲವು ಹೆರಿಗೆ ಆಪರೇಷನ್‌ಗಳು ಮುಂದೂಡಲ್ಪಟ್ಟಿವೆ.
Chatpat news today ವಿಟಮಿನ್ ಎ ಡ್ರಾಪ್ ನಂತರ 13 ಮಕ್ಕಳು ಅಸ್ವಸ್ಥ..? ಮೆಗ್ಗಾನ್‌ಗೆ ರವಾನೆ
ಶಿವಮೊಗ್ಗ: ಹಿರೇಸಾನಿ ಗ್ರಾಮದ 13 ಮಕ್ಕಳು ವಿಟಮಿನ್ ಎ ಡ್ರಾಪ್ ಹಾಕಿದ ನಂತರ ಹೊಟ್ಟೆ ನೋವು ಮತ್ತು ವಾಂತಿಯಿಂದ ಅಸ್ವಸ್ಥಗೊಂಡಿದ್ದಾರೆ ಎಂದು ಆರೋಪಿಸಲಾಗಿದೆ.
ಮಂಗಳವಾರ ವಿಟಮಿನ್ ಡ್ರಾಪ್ ಹಾಕಲಾಗಿದ್ದು, ಅಂದೇ ಸಂಜೆಯಿಂದ ಸಮಸ್ಯೆ ಕಾಣಿಸಿಕೊಂಡಿತ್ತು. ಬುಧವಾರ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಿದರೂ ಗುಣಮುಖರಾಗದ ಹಿನ್ನೆಲೆಯಲ್ಲಿ ಇಂದು 11 ಮಕ್ಕಳನ್ನು ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಕರೆತರಲಾಯಿತು. ಪ್ರಾಥಮಿಕ ಚಿಕಿತ್ಸೆ ನಂತರ ಅವರನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಗೆ ರವಾನಿಸಲಾಗಿದೆ. ಮಕ್ಕಳ ಪೋಷಕರು ವಿಟಮಿನ್ ಡ್ರಾಪ್‌ನಿಂದ ಸಮಸ್ಯೆ ಎಂದು ಆರೋಪಿಸಿದರೆ, ಅಧಿಕಾರಿಗಳು ಸ್ಥಳೀಯ ನೀರಿನ ಸಮಸ್ಯೆಯಿರಬಹುದು ಎಂದು ಹೇಳಿದ್ದಾರೆ. ಶಾಸಕ ಬೇಳೂರು ಗೋಪಾಲಕೃಷ್ಣ ಖಾಸಗಿ ಆಂಬುಲೆನ್ಸ್ ವ್ಯವಸ್ಥೆ ಮಾಡಿ ಮಕ್ಕಳನ್ನು ಆಸ್ಪತ್ರೆಗೆ ಕಳುಹಿಸಿಕೊಟ್ಟರು.
