SHIVAMOGGA | MALENADUTODAY NEWS
Sep 6, 2024
Hosangara police station | ಹೆಂಡತಿಗೆ ಹಿಗ್ಗಾಮುಗ್ಗಾ ಹೊಡೆದು ಆ ಬಳಿಕ ಹೊಳೆಗೆ ಹಾರಿ ಪತಿಯೊಬ್ಬರು ಆತ್ಮಹತ್ಯೆ ಮಾಡಿಕೊಂಡ ಪ್ರಸಂಗ ಶಿವಮೊಗ್ಗ ಜಿಲ್ಲೆ ಹೊಸನಗರ ತಾಲ್ಲೂಕು ರಿಪ್ಪನ್‌ ಪೇಟೆ ಸಮೀಪದ ಕೋಡೂರು ಬಳಿಯಲ್ಲಿ ವರದಿಯಾಗಿದೆ.
ರಿಪ್ಪನ್‌ ಪೇಟೆ ಸುದ್ದಿ -Ripponpet news
ಇಲ್ಲಿನ ಕೋಡೂರು ಗ್ರಾಮದ ಸದಾನಂದ ಭಟ್‌ ಎಂಬವರು ಹಾಗೂ ಅವರ ಪತ್ನಿ ಸಬೀತಾ ಎಂಬವರ ನಡುವೆ ಗುರುವಾರ ಜಗಳವಾಗಿದೆ. ಆ ಬಳಿಕ ಸದಾನಂದ್‌ ಭಟ್‌ ಪತ್ನಿ ಮೇಲೆ ಮಾರಣಾಂತಿಕ ಹಲ್ಲೆ ಮಾಡಿದ್ದಾರೆ. ಈ ಘಟನೆಯಲ್ಲಿ ಪತ್ನಿ ಗಂಭೀರವಾಗಿ ಗಾಯಗೊಂಡಿದ್ದರು. ಅವರನ್ನ ಮೊದಲು ರಿಪ್ಪನ್‌ಪೇಟೆ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಹಾಗೂ ಆ ಬಳಿಕ ಶಿವಮೊಗ್ಗದ ಆಸ್ಪತ್ರೆಯೊಂದಕ್ಕೆ ರವಾನಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.
ಪಟಗುಪ್ಪ ಸೇತುವೆ – Pataguppa Bridge
ಇದರ ನಡುವೆ ಪತಿ ಸದಾನಂದ ಭಟ್‌ ಕಾರು ಹತ್ತಿ ನಾಪತ್ತೆಯಾಗಿದ್ದರು. ರಿಪ್ಪನ್‌ಪೇಟೆ ಪೊಲೀಸರು ಅವರಿಗಾಗಿ ಹುಡುಕಾಡುತ್ತಿದ್ದಾಗ ಸದಾನಂದ್‌ ರವರ ಕಾರು ಪಟಗುಪ್ಪ ಸೇತುವೆ ಬಳಿ ಪತ್ತೆಯಾಗಿತ್ತು. ಆ ಬಳಿಕ ಇವತ್ತು ಶುಕ್ರವಾರ ಬೆಳಿಗ್ಗೆ ಸದಾನಂದ್‌ರವರ ಮೃತದೇಹ ಪತ್ತೆಯಾಗಿದೆ. ಈ ಘಟನೆ ಸಂಬಂಧ ಹೊಸನಗರ ಪೊಲೀಸ್ ಠಾಣೆಯಲ್ಲಿ ಎರಡು ಪ್ರತ್ಯೇಕ ಪ್ರಕರಣ ದಾಖಲಾಗಿದೆ.
ನಿಮ್ಮ ವಾಟ್ಸಾಪ್‌ನಲ್ಲಿ ನೋಡಿ, ಜಸ್ಟ್‌ ಒಂದು ಫಾಲೋ ಕೊಡಿ
