ಶಿವಮೊಗ್ಗ ಸೇರಿದಂತೆ ಹಲವು ರೈಲುಗಳ ಟೈಮಿಂಗ್ಸ್‌ನಲ್ಲಿ ಬದಲಾವಣೆ

SHIVAMOGGA | MALENADUTODAY NEWS | ಮಲೆನಾಡು ಟುಡೆ  Jan 1, 2025 ‌‌ 

ಶಿವಮೊಗ್ಗದಿಂದ ಬೆಂಗಳೂರಿಗೆ ತಲುಪುವ ರೈಲುಗಳ ವೇಳಾಪಟ್ಟಿಯಲ್ಲಿ ಕೆಲವೊಂದು ಬದಲಾವಣೆಯಾಗಿದೆ. ಅದರ ವಿವರ ಹೀಗಿದೆ. 

12692 ಎಂಜಿಆರ್ ಚೆನ್ನೈ ಸೆಂಟ್ರಲ್ ರೈಲು ಬೀರೂರನ್ನ ಇದುವರೆಗೂ ಸಂಜೆ 6-23 ಕ್ಕೆ ತಲುಪಿ 6-25 ಕ್ಕೆ ನಿಲ್ದಾಣವನ್ನ ಬಿಡುತ್ತಿತ್ತು. ಜನವರಿ 4 ರಿಂದ ಈ ರೈಲು ಶಿವಮೊಗ್ಗವನ್ನ ಸಂಜೆ 5-15ಕ್ಕೆ ಬಿಡಲಿದ್ದು ಬೀರೂರುರನ್ನ 6-18 ಕ್ಕೆ ತಲುಪಲಿದ್ದು 6-20 ಕ್ಕೆ ನಿಲ್ದಾಣವನ್ನ ಬಿಡಲಿದೆ. 

ಪ್ರತಿದಿನ ಶಿವಮೊಗ್ಗದಿಂದ ತಾಳಗುಪ್ಪಕ್ಕೆ ಸಂಚರಿಸುತ್ತಿದ್ದ 07350 ಕ್ರಮ ಸಂಖ್ಯೆಯ ಪ್ಯಾಸೆಂಜರ್ ರೈಲು, ಇಷ್ಟುದಿನ ಮದ್ಯಾಹ್ನ  2.35 ಕ್ಕೆ ಶಿವಮೊಗ್ಗ ನಿಲ್ದಾಣವನ್ನ ಬಿಡುತ್ತಿತ್ತು. ನಾಳೆಯಿಂದ ಮದ್ಯಾಹ್ನ 2-25 ಕ್ಕೆ ಬಿಡಲಿದ್ದು, ತಾಳುಗುಪ್ಪ ನಿಲ್ದಾಣವನ್ನ 4-50 ಕ್ಕೆ ತಲುಪಲಿದೆ.

ಈ ಮಾರ್ಗಗಳಲ್ಲಿ ಬರುವ ಕೊನಗವಳ್ಳಿ ರೈಲು ನಿಲ್ದಾಣವನ್ನ ಮಧ್ಯಾಹ್ನ 2.49 ಕ್ಕೆ ತಲುಪುತ್ತಿದ್ದು, 2-50 ಕ್ಕೆ ಬಿಡುತ್ತಿತ್ತು. ಈಗ ಅದು 2.39 ಕ್ಕೆ ತಲುಪಿ 2-40 ಕ್ಕೆ ನಿಲ್ದಾಣದಿಂದ ಹೊರಡಲಿದೆ. 

ಹಾರನಹಳ್ಳಿ ನಿಲ್ದಾಣವನ್ನ 2-55 ಕ್ಕೆ ತಲುಪಿ 2-56 ಕ್ಕೆ ಬಿಡುತ್ತಿದ್ದ ಈ ರೈಲು  2-45 ಕ್ಕೆ ತಲುಪಿ  2-46 ಕ್ಕೆ ನಿಲ್ದಾಣದಿಂದ ಹೊರಡಲಿದೆ.

ಕುಂಸಿ ರೈಲ್ವೆ ನಿಲ್ದಾಣವನ್ನ ಇದುವರೆಗೂ ಮಧ್ಯಾಹ್ನ 3-02 ಕ್ಕೆ ತಲುಪಿ 3-03 ಕ್ಕೆ ಬಿಡುತ್ತಿದ್ದ ಪ್ಯಾಸೆಂಜರ್ ರೈಲು ಮಧ್ಯಾಹ್ನ 2-52 ಕ್ಕೆ ತಲುಪಿ 2-53 ಕ್ಕೆ ನಿಲ್ದಾಣದಿಂದ ಹೊರಡಲಿದೆ.

ಯಶವಂತಪುರದಿಂದ ಶಿವಮೊಗ್ಗಕ್ಕೆ ಮಧ್ಯಾಹ್ನ 2-30 ಕ್ಕೆ ಬರುತ್ತಿದ್ದ ರೈಲು 16579 ಎಕ್ಸಪ್ರೆಸ್ ರೈಲು 2-15 ಕ್ಕೆ ತಲುಪಲಿದೆ. 20651 ಯಶವಂತಪುರ-ತಾಳಗುಪ್ಪ ಇಂಟರ್ ಸಿಟಿ ರೈಲು ಶಿವಮೊಗ್ಗವನ್ನ 7-40 ಕ್ಕೆ ತಲುಪಿ ತಾಳಗುಪ್ಪಕ್ಕೆ 7-45 ಕ್ಕೆ ಬಿಡುತ್ತಿತ್ತು. ತಾಳಗುಪ್ಪವನ್ನ ರಾತ್ರಿ 10 ಗಂಟೆಗೆ ತಲುಪುತಿತ್ತು. ನಾಳೆಯಿಂದ ತಾಳಗುಪ್ಪವನ್ನ 9-45 ಕ್ಕೆ ತಲುಪಲಿದೆ. 

ಪ್ರತಿದಿನ ರಾತ್ರಿ 9 ಗಂಟೆಗೆ ತಾಳಗುಪ್ಪವನ್ನ ಬಿಡುತ್ತಿದ್ದ 16228 ಕ್ರಮಸಂಖ್ಯೆಯ ತಾಳಗುಪ್ಪ-ಮೈಸೂರು ಎಕ್ಸ್ ಪ್ರೆಸ್ ರೈಲು  ರಾತ್ರಿ 8-55 ಕ್ಕೆ ಹೊರಡಲಿದೆ. ನಿಗದಿತ ಸಮಯಕ್ಕಿಂತ 5 ನಿಮಿಷ ಮುಂಚಿತವಾಗಿ ಬಿಡಲಿದೆ.

SUMMARY | Changes in the schedule of trains running between Shivamogga, Talaguppa and Yeshwantpur

KEY WORDS | Changes in the schedule of trains, Shivamogga, Talaguppa and Yeshwantpur