SHIVAMOGGA | MALENADUTODAY NEWS | ಮಲೆನಾಡು ಟುಡೆ | Apr 2, 2025
ಶಿವಮೊಗ್ಗದ ಜಿಲ್ಲಾಧಿಕಾರಿಗಳ ಕಚೇರಿಯ ಮುಂಬಾಗದಲ್ಲಿರುವ ಈದ್ಗಾ ಮೈದಾನದ ವಿಷಯ ದಿನದಿಂದ ದಿನಕ್ಕೆ ತೀವ್ರ ಸ್ವರೂಪವನ್ನು ಪಡೆದುಕೊಳ್ಳುತ್ತಿದೆ. ರಂಜಾನ್‌ ಹಬ್ಬದಲ್ಲಿ ಆ ಪ್ರದೇಶದಲ್ಲಿ ನಮಾಜ್‌ ಮಾಡಿದ ನಂತರ ಮುಸ್ಲಿಮರು ಆ ಪ್ರದೇಶ ವಕ್ಫ್‌ ಆಸ್ತಿಗೆ ಸಂಭಂದ ಪಟ್ಟಿದ್ದು ಎಂದು ಅದಕ್ಕೆ ಬೇಲಿಯನ್ನು ಹಾಕಿದ್ದರು. ಅದನ್ನು ವಿರೋದಿಸಿ ನಿನ್ನೆ ಹಿಂದೂ ಕಾರ್ಯಕರ್ತರು ಅದು ಮಹಾನಗರ ಪಾಲಿಕೆಗೆ ಸೇರಿದ ಜಾಗ ಎಂದು ಪ್ರತಿಭಟನೆ ನಡೆಸಿ ಬೇಲಿಯನ್ನು ಪೊಲೀಸರಿಗೆ ತೆರವು ಗೊಳಿಸುವಂತೆ ಮನವಿ ಮಾಡಿದ್ದರು. ಹಾಗೆಯೇ ಬೇಲಿಯನ್ನು ತೆರವುಗೊಳಿಸಲಾಗಿತ್ತು. ಇದರ ನಡುವೆ ಇಂದು ಮರ್ಕಜ್ ಸುನ್ನಿ ಜಾಮೀಯ ಮಸ್ಜಿದ್ ನೇತೃತ್ವದಲ್ಲಿ ಮುಸ್ಲೀಂ ಸಂಘಟನೆಗಳ ಕಾರ್ಯಕರ್ತರು ಜಿಲ್ಲಾಧಿಕಾರಿಗಳ ಕಚೇರಿಯಲ್ಲಿ ಪ್ರತಿಭಟನೆ ನಡೆಸಿದರು.
ಪ್ರತಿಭಟನೆ ವೇಳೆ ಈ ಮೈದಾನದ ವಿಚಾರದಲ್ಲಿ ಆದೇಶ ಬರುವವರೆಗೂ ಮೈದಾನದಲ್ಲಿ ಯಾವುದೇ ವಾಹನಗಳನ್ನು ನಿಲ್ಲಿಸದಂತೆ ಅಳವಡಿಸಿರುವ ಬ್ಯಾರಿಗೇಡ್‌ಗಳನ್ನು ತೆಗೆಯಬಾರದೆಂದು ಪೊಲೀಸರಿಗೆ ಮನವಿ ಮಾಡಿದರು.
ಮರ್ಕಜ್ ಸುನ್ನಿ ಜಾಮೀಯ ಮಸ್ಜಿದ್ ಕೊಟ್ಟ ಮನವಿಯಲ್ಲಿ ಏನಿದೆ.
ಮೈದಾನವು ಗಾಂಧಿ ಬಜಾರ್ ನ ಮರ್ಕಜ್ ಸುನ್ನಿ ಜಾಮೀಯಾ ಮಸೀದಿಗೆ ಸೇರಿದೆ. ಇದರ ನಿರ್ವಹಣೆಯನ್ನ ಜಾಮೀಯ ಮಸೀದಿ ನಡೆಸುತ್ತಿದೆ. ಅದರ ನಿರ್ವಹಣೆಗೆ ಲಕ್ಷಾಂತರ ರೂ ಖರ್ಚಾಗುತ್ತಿದೆ. ಆ ಮೈದಾನದ ಪ್ರದೇಶ ನಮಗೆ ಪವಿತ್ರವಾಗಿದ್ದು, ಅಲ್ಲಿ ಕೆಲ ಕಿಡಿಗೇಡಿಗಳು ಬಂದು ಅನೈತಿಕ ಚಟುವಟಿಕೆಗಳನ್ನು ನಡೆಸುತ್ತಾರೆ. ಈ ಕುರಿತು ನಾವು ಹಲವು ಬಾರಿ ಅಧಿಕಾರಿಗಳ ಬಳಿ ಮನವಿ ಮಾಡಿದರೂ ಯಾವುದೇ ಪ್ರಯೋಜನವಾಗಲಿಲ್ಲ. ನಿನ್ನೆ ಕೆಲವರು ಈದ್ಗಾ ಮೈದಾನದಲ್ಲಿ ಅತಿಕ್ರಮಣ ಮಾಡಿ ಸಮಾಜಕ್ಕೆ ತಪ್ಪು ಸಂದೇಶವನ್ನು ನೀಡುವ ಕೆಲಸ ಮಾಡುತ್ತಿದ್ದಾರೆ. ಇದರಿಂದಾಗಿ ನಮಗೆ ಶೀಘ್ರವಾಗಿ ಪರಿಹಾರ ಒದಗಿಸಿ ಎಂದು ಮನವಿಯಲ್ಲಿ ತಿಳಿಸಿದ್ದಾರೆ.
ಜಿಲ್ಲಾಧಿಕಾರಿ ಗುರುದತ್‌ ಹೆಗಡೆ ಹೇಳಿದ್ದೇನು
ನಂತರ ಈ ಕುರಿತು ಜಿಲ್ಲಾಧಿಕಾರಿಗಳಾದ ಗುರುದತ್‌ ಹೆಗಡೆ ಪ್ರತಿಕ್ರಿಯೆ ನೀಡಿ. ಮರ್ಕಜ್ ಸುನ್ನಿ ಜಾಮೀಯ ಮಸ್ಜಿದ್ ಕಾರ್ಯಕರ್ತರು ಈ ಜಾಗ ವಕ್ಫ್‌ಗೆ ಸಂಬಂಧ ಪಟ್ಟಿದ್ದು ಎಂಬ ದಾಖಲೆಗಳನ್ನು ನೀಡಿದ್ದಾರೆ. ಅದನ್ನು ನಾವು ಹಾಗೂ ಮಹಾನಗರ ಪಾಲಿಕೆಯ ಅಧಿಕಾರಿಗಳು ಕೂಲಂಕುಶವಾಗಿ ಅಧ್ಯಯನ ಮಾಡಿ ನಂತರದ ತೀರ್ಮಾನ ತೆಗೆದುಕೊಳ್ಳುತ್ತೇವೆ ಎಂದರು.
SUMMARY | Activists of Muslim organisations led by Markaz Sunni Jamia Masjid staged a protest at the deputy commissioner office.
KEYWORDS | Muslim organisations, Masjid, protest, deputy commissioners office,
